ന്യൂദൽഹി: ദൽഹിയിലെ ഏഴ് ലോക്സഭാ സീറ്റുകളിലേക്കുള്ള ബിജെപി സ്ഥാനാർത്ഥികൾ അവരുടെ മണ്ഡലങ്ങളിൽ നിന്ന് എംപിമാരായി തിരഞ്ഞെടുക്കപ്പെട്ടതിന് ശേഷം ആരോഗ്യ-വിദ്യാഭ്യാസ സൗകര്യങ്ങൾ മെച്ചപ്പെടുത്തുന്നതുൾപ്പെടെ 100 ദിവസത്തെ മുൻഗണനകൾ തിങ്കളാഴ്ച പട്ടികപ്പെടുത്തി.
ബിജെപിയുടെ ഏഴ് സ്ഥാനാർത്ഥികളും ഇത്തവണ വലിയ ഭൂരിപക്ഷത്തിൽ വിജയിക്കുമെന്ന് ദൽഹി ബിജെപി അധ്യക്ഷൻ വീരേന്ദ്ര സച്ദേവ സംയുക്ത പത്രസമ്മേളനത്തിൽ പറഞ്ഞു.
ന്യൂദൽഹി നിയോജക മണ്ഡലത്തിൽ നിന്ന് മത്സരിക്കുന്ന ബൻസുരി സ്വരാജ്, ഒരു സ്റ്റാർട്ടപ്പ് ഹബ് സൃഷ്ടിക്കുന്നതും സ്ത്രീകളുടെ സ്വയം സഹായ സംഘങ്ങളെ ശക്തിപ്പെടുത്തുന്നതും ഉൾപ്പെടെ തന്റെ മുൻഗണനകൾ പട്ടികപ്പെടുത്തി.
താൻ തിരഞ്ഞെടുക്കപ്പെട്ടാൽ സീൽ ചെയ്ത കടകളുടെ ഡീ -സീൽ ആദ്യ ആഴ്ച തന്നെ ചെയ്യുമെന്നും പറഞ്ഞു.
