തിരുവനന്തപുരം: ജില്ലയിലെ പത്ത് കോളേജുകളില്‍ എഐ ലാബുകള്‍ സ്ഥാപിക്കുമെന്ന് കേന്ദ്ര മന്ത്രി രാജീവ് ചന്ദ്രശേഖര്‍.കോളേജുകളുടെ പട്ടിക ഉടന്‍ പുറത്തിറക്കും. തിരുവനന്തപുരത്ത് ആദ്യ ഘട്ടമായി ആരംഭിക്കുകയാണ് എന്നും സംസ്ഥാന സര്‍ക്കാരിന് ഇതില്‍ ഒരു പങ്കുമില്ലെന്നും രാജീവ് ചന്ദ്രശേഖര്‍ പറഞ്ഞു.
മറ്റ് ജില്ലകളിലേക്കും എഐ ലാബുകള്‍ വ്യാപിപ്പിക്കും. ഗവ. കോളജുകളില്‍ നല്‍കുന്നതിന് തടസമില്ല. തിരുവനന്തപുരത്തെ ഐടി രംഗത്തെ കുതിപ്പാണ് തന്റെ ലക്ഷ്യം. തിരുവനന്തപുരത്തെ സ്ഥാനാര്‍ത്ഥിയായതിനാലാണ് തിരുവനന്തപുരത്തിന് വേണ്ടി പ്രവര്‍ത്തിക്കുന്നത്. അതില്‍ മറയ്‌ക്കാന്‍ ഒന്നുമില്ലെന്നും രാജീവ് ചന്ദ്രശേഖര്‍ പറഞ്ഞു.
തിരുവനന്തപുരത്തെ സേവിക്കുന്നു എന്നതിനപ്പുറം മറ്റ് താത്പര്യങ്ങളൊന്നും തനിക്കില്ല.ക്യാബിനറ്റ് ഇന്ത്യ എഐ പദ്ധതിക്ക് അംഗീകാരം നല്‍കിയത് അഞ്ച് ദിവസം മുമ്പാണ്. സ്റ്റാര്‍ട്ട് അപ് രംഗത്ത് തിരുവനന്തപുരം 18 ാം സ്ഥാനത്ത് തുടരരുത്. തിരുവനന്തപുരം ഒന്നാം സ്ഥാനത്ത് എത്തണമെന്നാണ് താത്പര്യമെന്നും രാജീവ് ചന്ദ്രശേഖര്‍ കൂട്ടിച്ചേര്‍ത്തു.
