തിരുവനന്തപുരം: പൂക്കോട് വെറ്ററിനറി കോളേജ് വിദ്യാര്ത്ഥി സിദ്ധാര്ത്ഥന്റെ മരണത്തില് രണ്ട് പേര് കൂടി പിടിയിലായി. സിദ്ധാര്ത്ഥനെ മര്ദ്ദിച്ചതിലും ഗൂഢാലോചനയിലും പങ്കാളികളാണ് പിടിയിലായവര്.
ആലപ്പുഴ സ്വദേശി അഭി, കോഴിക്കോട് സ്വദേശി നസീഫ് എന്നിവരാണ് പിടിയിലായത്. ഇവരെ വിശദമായി ചോദ്യം ചെയ്ത് വരികയാണ് പൊലീസ്. പ്രതികളെയെല്ലാം ഇപ്പോള് അറസ്റ്റ് ചെയ്തിട്ടുണ്ടെന്ന് ഡിജിപി അറിയിച്ചു.
സിദ്ധാര്ത്ഥന്റെ മരണത്തില് സിബിഐ അന്വേഷണം ആവശ്യപ്പെട്ട് ഇന്ന് രാവിലെ സിദ്ധാര്ത്ഥന്റെ അച്ഛന് ജയപ്രകാശ് മുഖ്യമന്ത്രിയെ കണ്ടിരുന്നു. തുടര്ന്ന് സിബിഐ അന്വേഷണത്തിന് സര്ക്കാര് ഉത്തരവ് പുറത്തിറക്കി.
