ഇസ്ലാമബാദ്: പാകിസ്ഥാനില്‍ നിന്നും കാനഡയിലേക്ക് പോയ പാകിസ്ഥാന് വിമാനത്തിലെ എയര്ഹോസ്റ്റസ് മുങ്ങി. പാകിസ്ഥാനിലെ ദേശീയ വിമാനക്കമ്പനിയായ പാകിസ്ഥാന് ഇന്‍റര്‍നാഷണല്‍ എയര്‍ലൈന്‍സിന്റെ എയര്ഹോസ്റ്റസ് മരിയം റാസയാണ് മുങ്ങിയത്.
കാനഡയിലെ ടൊര്‍മാന്‍റോയിലെ ഹോട്ടലില്‍ നിന്നുമാണ് മരിയാ റാസയെ കാണാതായത്. പാകിസ്ഥാന് തന്നെ നാണക്കേടായിരിക്കുകയാണ് സംഭവം.
തിങ്കളാഴ്ച പാകിസ്ഥാനില്‍ നിന്നും കാനഡയിലെത്തിയ വിമാനത്തില്‍ മരിയം റാസ ഉണ്ടായിരുന്നു. പക്ഷെ മടക്ക വിമാനത്തില്‍ മറിയം റാസ കയറിയില്ല. പിന്നീട് ഇവരുടെ ഹോട്ടര്‍മുറി പരിശോധിച്ചപ്പോള്‍ പാകിസ്ഥാന് ഇന്‍റര്‍നാഷണല്‍ എയര്‍ലൈന്‍സിന് നന്ദി പറഞ്ഞുകൊണ്ടുള്ള മറിയം റാസയുടെ കുറിപ്പാണ് കിട്ടിയത്. എയര്‍ഹോസ്റ്റസിന്റെ യൂണിഫോമും അഴിച്ചുവെച്ചിരുന്നു.
സാമ്പത്തിക പ്രതിസന്ധിയും രാഷ്‌ട്രീയ അരാജകത്വും മൂലം നട്ടം തിരിയുകയാണ് പാകിസ്ഥാന്. പാകിസ്ഥാന് പൗരന്മാരെല്ലാം അസ്വസ്ഥരും അരക്ഷിതരുമാണ്. മരിയം റാസയും കാനഡയിലേക്കുള്ള വരവ് രാജ്യത്ത് നിന്നും രക്ഷപ്പെടാനുള്ള മാര്‍ഗ്ഗമായി കണ്ടതാകാമെന്ന് കരുതുന്നു.
