ആലപ്പുഴ: യുവതിയെ ഓഫീസില്‍ കയറി വെട്ടിക്കൊല്ലാന്‍ ശ്രമം. കെഎസ്എഫ്ഇ ജീവനക്കാരി ആലപ്പുഴ സ്വദേശിനി മായദേവിയെയാണ് കൊല ചെയ്യാന്‍ ശ്രമം നടന്നത്. കളര്‍കോട് കെഎസ്എഫ്ഇ ശാഖയിലാണ് സംഭവം.
മായയുടെ ഇളയ സഹോദരിയുടെ ഭര്‍ത്താവ് സുരേഷ് ആണ് ഭാര്യയുടെ സഹോദരിയെ കൊലപ്പെടുത്താന്‍ ശ്രമിച്ചത്. സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നു. പ്രതിയെ പൊലീസ് അറസ്റ്റ് ചെയ്തു.ഉച്ചക്ക് ഓഫീസിനുള്ളില്‍ മറ്റു ജീവനക്കാരുടെ മുന്നില്‍ വച്ചാണ് സംഭവം
കളക്ഷന്‍ ഏജന്റായ മായ തന്നെ കള്ളക്കേസില്‍ കുടുക്കിയെന്നാണ് സുരേഷ് ആരോപിക്കുന്നത്.സുരേഷിന്റെ ആക്രമണത്തില്‍ മായയുടെ കഴുത്തിന് താഴെ ആഴത്തിലുള്ള വെട്ടേറ്റു.
