മലപ്പുറം: കൊണ്ടോട്ടിയില്‍ ബസുകളുടെ മത്സരയോട്ടത്തിനിടെ, കെഎസ്ആര്‍ടിസി ബസ് നിയന്ത്രണം തെറ്റി മറിഞ്ഞ് നിരവധി പേര്‍ക്ക് പരിക്ക്. സ്വകാര്യ ബസിനെ മറികടക്കുവെയാണ് അപകടം. യാത്രക്കാരുടെ പരിക്ക് ഗുരുതരമല്ല.
കൊണ്ടോട്ടി ബസ് സ്റ്റാന്‍ഡിന് സമീപം രാവിലെയാണ് അപകടം ഉണ്ടായത്. കോഴിക്കോട് -പാലക്കാട് റൂട്ടിലെ കെഎസ്ആര്‍ടിസി ബസാണ് അപകടത്തില്‍പ്പെട്ടത്. ഇതേ റൂട്ടിലെ സ്വകാര്യ ബസിനെ മറികടക്കാന്‍ ശ്രമിക്കവെയാണ് അപകടം.
ഈ റൂട്ടില്‍ ബസുകളുടെ മത്സരയോട്ടവും അപകടവും പതിവാണെന്ന് നാട്ടുകാര്‍ പറയുന്നു.അപകടത്തെ തുടര്‍ന്ന് അല്‍പനേരം നഗരത്തില്‍ ഗതാഗത കുരുക്കുണ്ടായി.സംഭവത്തെക്കുറിച്ച് കെഎസ്ആര്‍ടിസി അന്വേഷണം തുടങ്ങി.
