വയനാട് : പൂക്കോട് വെറ്ററിനറി കോളേജ് വിദ്യാര്ത്ഥി സിദ്ധാര്ത്ഥ് ആത്മഹത്യ ചെയ്ത സംഭവത്തില് 12 വിദ്യാര്ത്ഥികള്ക്ക് സസ്പെന്ഷന്. ആത്മഹത്യ ചെയ്ത സിദ്ധാര്ത്ഥിനെ സഹപാഠികള് ക്രൂരമായി മര്ദ്ദിച്ചിരുന്നതായി റാഗിംഗ് വിരുദ്ധ സമിതിയുടെ അന്വേഷണത്തില് കണ്ടെത്തി. മൃതദേഹത്തില് രണ്ടുദിവസത്തോളം പഴക്കമുള്ള പരിക്കുകള് കണ്ടെത്തി.
അഖില്, അമീന് അക്ബര്, ആസിഫ് ഖാന്, അരുണ് കെ, അജയ്,അല്ത്താഫ്, മുഹമ്മദ് ,അമല്സാന്, ആദിത്യന് ,ഡാനിഷ്, കാശിനാഥന്, സിന്റോ ജോണ്സണ്, സൗദ് റിസാല് തുടങ്ങിയ വിദ്യാര്ത്ഥികളെയാണ് സസ്പെന്ഡ് ചെയ്തത്. ആത്മഹത്യ നടന്ന് നാല് ദിവസം കഴിഞ്ഞിട്ടും കോളേജ് അധികാരികളുടെ മൗനം ആശങ്ക പടര്ത്തുകയാണെന്നാണ് ആരോപണം.
കഴിഞ്ഞ 18 ന് ആയിരുന്നു നെടുമങ്ങാട് സ്വദേശി സിദ്ധാര്ത്ഥ് ആത്മഹത്യ ചെയ്തത്. ഹോസ്റ്റലിലെ കുളിമുറിയില് തൂങ്ങിമരിച്ച നിലയില് കണ്ടെത്തുകയായിരുന്നു. റാഗിംഗാണ് വിദ്യാര്ത്ഥിയുടെ ആത്മഹത്യക്ക് കാരണം എന്ന് സിദ്ധാര്ത്ഥിന്റെ കുടുംബവും സുഹൃത്തുക്കളും ആരോപിക്കുന്നുമുണ്ട്.
സിദ്ധാര്ത്ഥിന്റെ മരണത്തിലുളള ദുരൂഹത പുറത്തുകൊണ്ടുവരണമെന്ന് ആവശ്യപ്പെട്ട് കുടുംബം എഡിജിപി ക്ക് പരാതി നല്കിയിട്ടുണ്ട്.
