തിരുവനന്തപുരം: വര്ക്കല വെറ്റക്കട കടല്ത്തീരത്ത് അവശ നിലയില് കണ്ടെത്തിയ റഷ്യന് വനിത മരിച്ചു. തിരയില്പെട്ട് അപകടം സംഭവിച്ചതാണെന്ന് പ്രാഥമിക നിഗമനം. മരിച്ച സ്ത്രീക്ക് 35നും 40നും ഇടയിലാണ് പ്രായം വരുമെന്ന് പൊലീസ് പറഞ്ഞു.
സ്ത്രീയുടെ ശരീരത്തില് മുറിവുകളും ചതവുകളും ഉണ്ട്.യുവതി അവശ നിലയില് നീന്തുന്നത് തീരത്ത് സര്ഫിംഗ് നടത്തുന്ന സംഘം കാണുകയും അവരെ കരയ്ക്കെത്തിക്കുകയുമായിരുന്നു. കൃത്രിമ ശ്വാസം നല്കി വര്ക്കല താലൂക്ക് ആശുപത്രിയില് എത്തിച്ചെങ്കിലും അപ്പോഴേക്കും മരിച്ചു.
മൃതദേഹം വര്ക്കല താലൂക്ക് ആശുപത്രി മോര്ച്ചറിയില്. ഇടവയിലെ റിസോര്ട്ടില് താമസിച്ചു വരികയായിരുന്നു യുവതി.പൊലീസ് അന്വേഷണം പുരോഗമിക്കുന്നു.യുവതിക്കൊപ്പം ആരെങ്കിലും ഉണ്ടായിരുന്നോ എന്നും അന്വേഷിക്കുന്നുണ്ട്.
