കോട്ടയം: പഴം ചൊല്ലില്‍ പതിരില്ലെന്നാണല്ലോ. ഇത് ശരിവയ്‌ക്കുന്ന വാര്‍ത്തയാണ് പുറത്തു വന്നിട്ടുളളത്.കടുവയെ കിടുവ പിടിച്ചെന്ന പഴം ചൊല്ല് അന്വര്‍ത്ഥമാക്കുന്നതാണ് വാര്‍ത്ത.
മുഖ്യമന്ത്രിയുടെ വാഹന വ്യൂഹത്തിലെ വാഹനത്തിന് പിഴ ലഭിച്ചതാണ് സംഭവം. നിരത്തിലെ ട്രാഫിക് നിയമലംഘനത്തിന് വാഹനം എഐ ക്യാമറയില്‍ കുടുങ്ങുകയായിരുന്നു.
വാഹന വ്യൂഹത്തിലെ കിയ കാര്‍ണിവല്‍ വാഹനത്തിനാണ് പിഴ ഈടാക്കിയത്. മുന്‍സീറ്റ് യാത്രക്കാരന്‍ സീറ്റ് ബല്‍റ്റ് ധരിക്കാത്തതിനാണ് 500 രൂപ പിഴയിട്ടത്. മുണ്ടക്കയം – കുട്ടിക്കാനം റൂട്ടില്‍ സഞ്ചരിക്കുമ്പോഴാണ് ഐ ഐ ക്യാമറയില്‍ കുടുങ്ങിയത്. നവകേരള സദസിനിടെയുള്ള യാത്രയിലായിരുന്നു നിയമലംഘനം ക്യാമറയില്‍ കുടുങ്ങിയത്.
