റായ്പുർ: ഛത്തീസ്ഗഡിൽ മുൻ സഹമന്ത്രിയും എംഎൽഎയും വ്യാഴാഴ്ച ബിജെപിയിൽ ചേർന്നതായി സംസ്ഥാന ബിജെപി നേതൃത്വം അറിയിച്ചു. മുൻ എംഎൽഎയായ പ്രമോദ് ശർമയും മുൻ സഹമന്ത്രി വിധാൻ മിശ്രയുമാണ് പാർട്ടിയിൽ ചേർന്നത്.
റായ്പൂരിലെ സംസ്ഥാന ബിജെപി ആസ്ഥാനമായ കുഷാഭൗ താക്കരെ പരിസാറിൽ മുഖ്യമന്ത്രി വിഷ്ണു ദേവ് സായിയുടെയും സംസ്ഥാന യൂണിറ്റ് പ്രസിഡൻ്റ് കിരൺ സിംഗ് ദിയോയുടെയും സാന്നിധ്യത്തിലാണ് അവർ ബിജെപി അംഗത്വമെടുത്തത്.
ബിജെപിയിൽ ഒരു സാധാരണ പ്രവർത്തകന് പോലും ഉയർന്ന സ്ഥാനങ്ങളിലെത്താൻ അവസരം ലഭിക്കുന്നുണ്ടെന്ന് മുഖ്യമന്ത്രി പദത്തിലേക്കുള്ള തന്റെ കയറ്റം ഉദാഹരണമായി ചൂണ്ടിക്കാണിച്ച് അവരെ സ്വാഗതം ചെയ്തുകൊണ്ട് മുഖ്യമന്ത്രി പറഞ്ഞു. “നരേന്ദ്ര മോദി ലോകത്തിലെ ഏറ്റവും ജനപ്രീതിയുള്ള നേതാവാണ്. അദ്ദേഹത്തിന്റെ നേതൃത്വത്തിൽ രാജ്യത്ത് എല്ലാവരും പുരോഗമിക്കുന്നു, എല്ലായിടത്തും അഭിവൃദ്ധിയുണ്ടെന്ന് അദ്ദേഹം വ്യക്തമാക്കി.
കഴിഞ്ഞ 5 വർഷമായി ഛത്തീസ്ഗഢിലെ ജനങ്ങൾ കോൺഗ്രസ് ഭരണത്തിന്റെ അഴിമതിയുടെ ആഘാതം അനുഭവിക്കേണ്ടി വന്നു. എന്നാൽ ജനങ്ങൾ ഇന്ന് ബിജെപിക്ക് അവസരം നൽകിയെന്നും സായ് പറഞ്ഞു.
2018-ൽ ജെസിസി (ജെ) എംഎൽഎയായി തിരഞ്ഞെടുക്കപ്പെട്ട ശർമ കഴിഞ്ഞ വർഷത്തെ നിയമസഭാ തിരഞ്ഞെടുപ്പിന് മുമ്പ് കോൺഗ്രസിൽ ചേർന്നിരുന്നു. 1998-ൽ കോൺഗ്രസ് എംഎൽഎയായി തിരഞ്ഞെടുക്കപ്പെട്ട മിശ്ര, അജിത് ജോഗി സർക്കാരിൽ 2000 മുതൽ 2003 വരെ സഹമന്ത്രിയായി സേവനമനുഷ്ഠിച്ചിട്ടുണ്ട്.
