പത്തനംതിട്ട : പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് മൂന്ന് പേര് അറസ്റ്റില്. കേസില് 18 പ്രതികളാണുളളത്.
കെ. എസ്. ഇ. ബി. ജീവനക്കാരന് മുഹമ്മദ് റാഫി, സജാദ്, സംഭവ സമയത്ത് പ്രായപൂര്ത്തിയാകാത്ത ഒരാള് എന്നിവരാണ് അറസ്റ്റിലായത്.
2022 ജൂണിലായിരുന്നു പ്ലസ് വണ് വിദ്യാര്ത്ഥിനിക്ക് പീഡനമേറ്റത്. നഗ്ന ചിത്രം പ്രചരിപ്പിച്ചുവെന്നും പരാതിയുണ്ട്.
ഇന്സ്റ്റാഗ്രാം വഴി പരിചയപ്പെട്ട കുട്ടിയുമായി പ്രതികള് അടുപ്പത്തിലാവുകയും പീഡിപ്പിക്കുകയുമായിരുന്നു.ശിശു സംരക്ഷണ സമിതി വിവരം അറിയിച്ചതിനെ തുടര്ന്നാണ് പൊലീസ് കേസെടുത്തത്.
വിദ്യാര്ത്ഥിനി സ്കൂളില് പോകാന് മടി കാണിച്ചതിനെ തുടര്ന്ന് ശിശുക്ഷേമസമിതിയില് കുട്ടിയെ എത്തിച്ച് കൗണ്സിലിംഗ് നടത്തിയപ്പോഴാണ് പീഡന വിവരം വിവരം അറിയുന്നത്. പ്രതികള് കുട്ടിയുടെ നഗ്ന ചിത്രം സാമൂഹ്യമാധ്യമത്തിലൂടെ പ്രചരിപ്പിച്ചുവെന്നും പരാതി ലഭിച്ചിട്ടുണ്ട്..
