അദാനി അയോധ്യയില്‍ പ്രാണപ്രതിഷ്ഠ നടത്തിയെന്ന് തമിഴ്നാട്ടിലെ കോണ്‍ഗ്രസ് എംപി തിരു ജയകുമാര്‍

ചെന്നൈ: ബിസിനസുകാരനായ അദാനി അയോധ്യയില്‍ പ്രാണപ്രതിഷ്ഠ നടത്തിയത് ശരിയായില്ലെന്ന് തമിഴ്നാട്ടിലെ കോണ്‍ഗ്രസ് എംപി തിരു ജയകുമാര്‍. വാര്‍ത്താലേഖകരുമായി സംസാരിക്കുന്നതിനിടയില്‍ തിരു ജയകുമാര്‍ വിളമ്പിയ ഈ തെറ്റ് ചൂണ്ടിക്കാട്ടി ഇയാളുടെ വീഡിയോ ബിജെപി തമിഴ് നാട് അധ്യക്ഷന്‍ കെ. അണ്ണാമലൈ തന്നെയാണ് പങ്കുവെച്ചത്.

Imagine the plight of Tamil People with such MPs representing our interests.

Congress MP Thiru Jayakumar strongly condemned Adani for performing the Pran Pratishtha in the Ram Temple in Ayodhya.

There is a serious competition within the Congress party to see who will blabber… pic.twitter.com/Xd5IfGKZx2

— K.Annamalai (@annamalai_k) February 4, 2024

“എവിടെയോ അയോധ്യയില്‍ ഒരു രാമക്ഷേത്രം പണിയുന്നു. അതില്‍ അദാനിയ്‌ക്ക് എന്താണ് വേല? അദാനി കുമ്പിടുന്നത് കാണിക്കുന്നു. അദാനി എഴുന്നേല്‍ക്കുന്നത് കാണിക്കുന്നു. അദാനി ആരാധിക്കുന്നത് കാണിക്കുന്നു. മറ്റാരും സ്വാമിയെ (ദൈവത്തെ) കുമ്പിടുന്നില്ലെയാ?”- എംപി തിരു ജയകുമാര്‍ ചോദിക്കുന്നു. മോദിയ്‌ക്ക് പകരം അദാനിയാണ് അയോധ്യയില്‍ പ്രാണപ്രതിഷ്ഠ നടത്തിയിരിക്കുന്നത് എന്ന് തെറ്റിദ്ധരിച്ചാണ് തിരു ജയകുമാര്‍ അദാനിയ്‌ക്കെതിരെ കടന്നാക്രമണം നടത്തിയത്.

എന്നാല്‍ അദാനി ഇതുപോലെ പ്രാണപ്രതിഷ്ഠ നടത്തിയത് ശരിയല്ലെന്നാണ് പിറ്റേന്ന് എല്ലാ പത്രങ്ങളും എഴുതിയതെന്നും അദാനിയ്‌ക്ക് ആ ക്ഷേത്രം തുറന്നുകൊടുക്കുന്ന പ്രാണപ്രതിഷ്ഠ നടത്തുന്നതില്‍ യാതൊരു യോഗ്യതയും ഇല്ലെന്നും ജയകുമാര്‍ പറയുന്നു. “ഇക്കാര്യത്തില്‍ അദാനി പരാജയപ്പെട്ടു എന്ന് ഞാനല്ല ചൊന്നത്, മറ്റ് പൂജാരികളും ഹിന്ദു മതത്തിലെ തലൈവരുമാണ് പറഞ്ഞത്”- രോഷത്തോടെ തിരു ജയകുമാര്‍ പറയുന്നു.

ഈ പ്രസംഗം നടത്തിയ തിരു ജയകുമാറിന്റെ വിവരമില്ലായ്‌മയെ കര്‍ശനമായാണ് വായനക്കാര്‍ വിമര്‍ശിച്ചിരിക്കുന്നത്.