കൊച്ചി: ഭാര്യയെ കൊലപ്പെടുത്തിയ ഒളിവിൽപോയ കേസിൽ ഭർത്താവ് അറസ്റ്റിൽ. പാറക്കടവ് പുളിയനം മില്ലും പടി ഭാഗത്ത് ബാലനാണ് അറസ്റ്റിലായത്. ഭാര്യ ലളിതയെ കൊലപ്പെടുത്തിയ കേസിലാണ് അറസ്റ്റ്. കൃത്യം നടത്തിയ ശേഷം പ്രതി ഇവിടെ നിന്നും കടന്നു കളഞ്ഞിരുന്നു. തുടർന്ന് ജില്ലാ പോലീസ് മേധാവി വൈഭവ് സക്സേനയുടെ നേതൃത്വത്തിലുള്ള പ്രത്യേക ടീം ചേർത്തലയിൽ നിന്നുമാണ് ഇയാളെ പിടികൂടിയത്.
കഴിഞ്ഞ 20-നാണ് കേസിന് ആസ്പദമായ സംഭവം. വീടിന്റെ ഹാളിൽ വച്ച് കഴുത്തിൽ കയറിട്ട് മുറുക്കിയാണ് കൊലപ്പെടുത്തിയത്. ഭാര്യയോടുളള വിരോധമാണ് കൊലപാതകത്തിൽ കലാശിച്ചത്. സംഭവത്തിന് ശേഷം പ്രതി വിവിധയിടങ്ങളിലായി ഒളിവിൽ കഴിയവെയാണ് പിടിയിലായത്.
