കൊല്ലം : പരവൂരിലെ അസിസ്റ്റന്റ് പബ്ലിക് പ്രോസിക്യൂട്ടര് എസ് അനീഷ്യയുടെ ആത്മഹത്യയില് ആരോപണ വിധേയരായ സഹപ്രവര്ത്തകരെ സസ്പെന്ഡ് ചെയ്ത് അന്വേഷണം നടത്തണമെന്ന് കൊല്ലം ബാര് അസോസിയേഷന്. നാളെ ബാര് അസോസിയേഷന് കോടതി നടപടികള് ബഹിഷ്കരിക്കും.
ആത്മഹത്യയ്ക്ക് കാരണം സഹപ്രവര്ത്തകരുടെ മാനസികപീഡനവും ഭീഷണിയുമെന്നാണ് ആരോപണം. പൊലീസ് അന്വേഷണത്തിനൊപ്പം ഡയറക്ടര് ജനറല് ഓഫ് പ്രോസിക്യൂഷനും അന്വേഷണത്തിന് ഉത്തരവിട്ടു.
മേലുദ്യോഗസ്ഥരുടെ മാനസിക പീഡനവും ഭീഷണിയും ജോലിയിലെ സമ്മര്ദ്ദവും ആണ് ആത്മഹത്യയ്ക്ക് കാരണമെന്ന് അനീഷ്യ സുഹൃത്തുക്കള്ക്ക് അയച്ച ശബ്ദ സന്ദേശത്തില് പറയുന്നുണ്ട് . വനിതാ കമ്മീഷന് അനീഷയുടെ വീട് സന്ദര്ശിച്ചു. അതേ സമയം ആത്മഹത്യയിലേക്ക് നയിച്ച കാരണങ്ങള് വിശദമായി എഴുതിയിട്ടുളള ബുക്ക് പൊലീസിന് ലഭിച്ചു.
കൊല്ലം ബാര് അസോസിയേഷന് അനീഷ്യയുടെ കുടുംബത്തിന് പൂര്ണ പിന്തുണയറിയിച്ചു. മാവേലിക്കര സെഷന്സ് കോടതി ജഡജി അജിത് കുമാറാണ് അനീഷ്യയുടെ ഭര്ത്താവ്.
