എറണാകുളം : നടനും ബിജെപി നേതാവുമായ സുരേഷ് ഗോപിയുടെ മകള്‍ ഭാഗ്യയുടെ വിവാഹ സത്കാര ചടങ്ങ് താരങ്ങളുടെ മിന്നിത്തിളക്കത്താല്‍ സമ്പന്നമായി.
മമ്മൂട്ടിയും ദുല്‍ഖറും കുടുംബ സമേതമെത്തി. ശ്രീനിവാസനും കുടുംബവും കുഞ്ചാക്കോ ബോബനും കുടുംബവും ചടങ്ങില്‍ പങ്കെടുത്തു. ഏറെകാലമായി ശാരികാവശത മൂലം വിശ്രമത്തിലായിരുന്ന ശ്രീനിവാസനെ നിറഞ്ഞ ചിരിയോടെ സുരേഷ് ഗോപി സ്വീകരിച്ചത് കണ്ട് നിന്നവര്‍ക്കും ആഹ്ലാദമായി.
നടന്‍ സിദ്ദിഖ്, ഹണി റോസ് തുടങ്ങി നിരവധി താരങ്ങള്‍ സ്വീകരണ ചടങ്ങില്‍ സംബന്ധിച്ചു. നടന്‍ ഇന്ദ്രന്‍സിനെ ആലിംഗനം ചെയ്താണ് സുരേഷ് ഗോപി സ്വീകരിച്ചത്.
കൊച്ചിയില്‍ വച്ചാണ് സത്കാര ചടങ്ങ് സംഘടിപ്പിച്ചത്. തിരുവനന്തപുരത്തും വിവാഹ സല്‍ക്കാരമുണ്ട്..
ഈ മാസം 17ന് ഗുരുവായൂരില്‍ വച്ചായിരുന്നു ഭാഗ്യ സുരേഷിന്റെ വിവാഹം. ശ്രേയസ് ആണ് ഭാഗ്യയുടെ ഭര്‍ത്താവ്.ഗോകുല്‍ സുരേഷിന്റെ സുഹൃത്തും വ്യവസായിമോഹന്റെയും ശ്രീദേവി മോഹന്റെയും മകനുമാണ് ശ്രേയസ്. പ്രധാനമന്ത്രി നരേന്ദ്ര മോദിയും വിവാഹത്തില്‍ സംബന്ധിച്ചു.
