മുംബൈ: മോദിയെ അസാധാരണനാക്കുന്നത് എന്താണ് എന്ന ചോദ്യത്തിന് ഉത്തരവുമായി എത്തിയ നടി കങ്കണ സമൂഹമാധ്യമത്തില്‍ പങ്കുവെച്ച ലഘുക്കുറിപ്പ് വൈറലാവുന്നു. ‘മോദി നമ്മളില്‍ ഒരാളാണെന്ന് നമുക്കറിയാം. എങ്കിലും മോദിയെ അസാധാരണനാക്കുന്നത് എന്താണ്?’- ഈ ചോദ്യമുയര്‍ത്തിക്കൊണ്ടാണ് കങ്കണ സമൂഹമാധ്യമത്തിലെ തന്റെ കുറിപ്പ് ആരംഭിയ്‌ക്കുന്നത്.
അദ്ദേഹത്തിന്റെ ഉദ്ദേശ്യത്തിലും വികാരത്തിലും കര്‍മ്മത്തിലും അടങ്ങിയ തീക്ഷ്ണത…അതാണ് മോദി വ്യത്യസ്തനാക്കുന്നതെന്നാണ് തന്റെ അഭിപ്രായമെന്നും കങ്കണ തുറന്നു പറയുന്നു.
‘ആ തീക്ഷ്ണത…അതാണ് എല്ലാം. ഇന്നത്തെ ഈ ചിത്രം നോക്കൂ.’- സമൂഹമാധ്യമത്തിലെ കുറിപ്പിനൊപ്പം പങ്കുവെച്ച മോദിയുടെ ചിദ്രം കാണിച്ച് കങ്കണ പറയുന്നു. ‘അദ്ദേഹത്തിന്റെ കണ്ണുകളില്‍ നോക്കൂ. അത് വെറുമൊരു നോട്ടമാണ്. പക്ഷെ ഒരു തിളക്കമുള്ള വാളിനേക്കാള്‍ കൂടുതല്‍ മൂര്‍ച്ചയേറിയതും തിളങ്ങുന്നതുമാണ് അത്’- കങ്കണ പറയുന്നു.
