തൃശൂര് : ടി എന് പ്രതാപന് വോട്ടഭ്യര്ത്ഥിച്ചുളള ചുമരെഴുത്തുകള് അദ്ദേഹം തന്നെ ഇടപെട്ട് മായ്ച്ചു.കോണ്ഗ്രസ് പ്രവര്ത്തകരാണ് തെരഞ്ഞെടുപ്പ് പ്രഖ്യാപിക്കും മുമ്പ് ചുമരെഴുതിയത്.
വെങ്കിടങ്ങ് സെന്ററിലാണ് യു.ഡി.എഫ് സ്ഥാനാര്ത്ഥി ടി.എന് പ്രതാപനെ വിജയിപ്പിക്കണമെന്നാവശ്യപ്പെട്ട് ചുമരെഴുത്ത് പ്രത്യക്ഷപ്പെട്ടത്. എന്നാല് ചിഹ്നം മാത്രം വരയ്ക്കാനാണ് നിര്ദ്ദേശിച്ചിരുന്നതെന്ന് ടി എന് പ്രതാപന് പറഞ്ഞു. ഹൈക്കമാന്ഡ് സ്ഥാനാര്ത്ഥിയെ പ്രഖ്യാപിക്കും മുമ്പ് ചുമരെഴുത്ത് നടത്താനാവില്ലെന്നും അദ്ദേഹം വെളിപ്പെടുത്തി.
‘പ്രതാപന് തുടരും പ്രതാപത്തോടെ’ എന്ന ചുമരെഴുത്താണ് പ്രത്യക്ഷപ്പെട്ടത്. കൈപ്പത്തി ചിഹ്നവും വരച്ചു ചേര്ത്തിട്ടുണ്ട്. തൃശൂര് ലോക്സഭാ മണ്ഡലത്തില് നിലവിലെ എം.പിയാണ് ടി.എന് പ്രതാപന്.
