വിമാനം വൈകുമെന്ന് അറിയിപ്പ്; പൈലറ്റിനെ ആക്രമിച്ച് യാത്രികൻ, സംഭവം ഇൻഡിഗോ വിമാനത്തിൽ രാത്രി ഒരു മണിക്ക്

ന്യൂദൽഹി: വിമാനം വൈകുമെന്ന അറിയിപ്പിന് പിന്നാലെ പൈലറ്റിനെ ആക്രമിച്ച് യാത്രികൻ. ന്യൂഡൽഹിയിയിൽ നിന്നും ഗോവയിലേക്ക് പുറപ്പെടേണ്ടിയിരുന്ന ഇൻഡിഗോ (6ഇ-2175) എന്ന വിമാനത്തിൽ കഴിഞ്ഞ ദിവസം രാത്രി ഒരു മണിയോടുകൂടിയായിരുന്നു സംഭവം.

യാത്രികനായ സഹിൽ കറ്റാരിയ പൈലറ്റിനെ ആക്രമിക്കുന്ന ദൃശ്യങ്ങൾ സോഷ്യൽമീഡിയയിൽ വൈറലാവുകയാണ്. സംഭവത്തിൽ യുവാവിനെതിരെ ഇൻഡിഗോ പരാതി നൽകിയിട്ടുണ്ട്. കനത്ത മൂടൽമഞ്ഞ് കാരണം വിമാനം പുറപ്പെടാൻ വൈകുമെന്ന് പൈല​റ്റ് യാത്രക്കാരോട് പറയുന്നത് വീഡിയോയിൽ വ്യക്തമായി കാണാൻ കഴിയും. പിന്നാലെ മഞ്ഞ നിറത്തിലുളള ഹുഡി ധരിച്ച യുവാവ് പിൻസീ​റ്റിൽ നിന്നും വേഗത്തിൽ വന്ന് പൈല​റ്റിനെ കടന്നാക്രമിക്കുകയായിരുന്നു.

യുവാവിനെ പിടിച്ചുമാറ്റുന്നതിനായി മറ്റ് യാത്രികർ ശ്രമിക്കുന്നതും വീഡിയോയിൽ കാണാം. സംഭവത്തിന് പിന്നാലെ യുവാവിനെ മറ്റുളള യാത്രികർ അധികൃതർക്ക് കൈമാറുകയായിരുന്നു. സംഭവത്തിൽ പോലീസും ഏവിയേഷൻ സെക്യൂരിറ്റി ഏ‌ജൻസിയും അന്വേഷണം ആരംഭിച്ചിട്ടുണ്ട്.

A passenger punched an Indigo capt in the aircraft as he was making delay announcement. The guy ran up from the last row and punched the new Capt who replaced the previous crew who crossed FDTL. Unbelievable ! @DGCAIndia @MoCA_GoI pic.twitter.com/SkdlpWbaDd

— Capt_Ck (@Capt_Ck) January 14, 2024