കാസര്കോട്: സുഹൃത്തായ 17കാരിയെ പീഡിപ്പിച്ച് ഗര്ഭിണിയാക്കിയ കേസില് 18കാരന് അറസ്റ്റില്.കാസര്കോട് കോളിച്ചാല് സ്വദേശിയെയാണ് അറസ്റ്റ് ചെയ്തത്.
ബേഡകം പൊലീസ് സ്റ്റേഷന് പരിധിയിലെ 17 വയസുകാരിയാണ് പീഡനത്തിനിരയായത്. പെണ്കുട്ടി ഗര്ഭിണിയാകുമ്പോള് ഇയാള്ക്ക് 18 വയസ് പൂര്ത്തിയായിട്ടുണ്ടോ എന്ന് പരിശോധിക്കുകയാണെന്ന് പൊലീസ് അറിയിച്ചു.
രാജപുരം പൊലീസ് സ്റ്റേഷന് പരിധിയില് വച്ചായിരുന്നു പീഡനം.ദേഹാസ്വാസ്ഥ്യം മൂലം വീട്ടുകാര് പെണ്കുട്ടിയെ ആശുപത്രിയില് എത്തിച്ചപ്പോഴാണ് ഗര്ഭിണിയാണെന്ന് വ്യക്തമായത്.
വിവരമറിഞ്ഞ് രോഷാകുലമായ മാതാവ് പെണ്കുട്ടിയോട് ഗര്ഭത്തിന് ഉത്തരവാദിയാരെന്ന് ചോദിച്ചു. പെണ്കുട്ടി സുഹൃത്തിന്റെ പേര് പറഞ്ഞതിനെ തുടര്ന്ന് പെണ്കുട്ടിയുമായി അമ്മ സുഹൃത്തിന്റെ വീട്ടിലെത്തി.വാഗ്വാദവും തര്ക്കവും കരച്ചിലുമായതോടെ അയല്ക്കാരും വിവരമറിഞ്ഞു. തുടര്ന്ന് പൊലീസും കാര്യമറിഞ്ഞു.
പൊലീസ് പോക്സോ കേസ് രജിസ്റ്റര് ചെയ്ത് പ്രതിയെ അറസ്റ്റ് ചെയ്തു. ഹൊസ്ദുര്ഗ് കോടതിയില് ഹാജരാക്കിയ പ്രതിയെ 14 ദിവസത്തേക്ക് ജുഡീഷ്യല് കസ്റ്റഡിയില് വിട്ടു.
