കൊല്ലം : സ്കൂള് കലോത്സവത്തില് പങ്കെടുത്ത് ട്രെയിനില് മടങ്ങവെ വിദ്യാത്ഥിക്ക് അപകടത്തില് പരിക്ക്. പെരുമ്പാവൂര് തണ്ടേക്കാട് ജമാഅത്ത് എച്ച്എസ്എസില് പഠിക്കുന്ന മുഹമ്മദ് ഫൈസലിനാണ് പരിക്കേറ്റത്.അപകടത്തില് ഫൈസലിന്റെ കാല്വിരലുകള് ചതഞ്ഞരഞ്ഞു.
പുലര്ച്ചെ രണ്ടരയോടെ ശാസ്താംകോട്ടയിലായിരുന്നു അപകടം. ഉറക്കത്തിനിടെ വാതിലിലൂടെ ട്രെയിനിന്റെ പുറത്തേക്കായ കാലുകള് മരക്കൊമ്പിലോ പോസ്റ്റിലോ ഇടിച്ചാകാം അപകടമെന്നാണ് കരുതുന്നത്.
ഹൈസ്കൂള് വിഭാഗം വട്ടപ്പാട്ട് മത്സരത്തില് പങ്കെടുത്ത് എ ഗ്രേഡ് വാങ്ങി മടങ്ങുകയായിരുന്നു ഫൈസല്.ഫൈസലിനെ എറണാകുളത്തെ സ്വകാര്യ ആശുപത്രിയില് പ്രവേശിപ്പിച്ചു.ശസ്ത്രക്രിയ വേണമെന്നാണ് ഡോക്ടര്മാര് പറയുന്നത്.
