സുപ്രീംകോടതിയോട് പരമപുച്ഛം, ജഡ്ജിമാരായ വർഗ്ഗങ്ങൾ നിർത്തി പോകണം; രൂക്ഷമായി അധിക്ഷേപിച്ച് സിപിഐ നേതാവ് അഡ്വ.അജയകുമാർ

തലശ്ശേരി: മുൻ ജില്ല അഡീഷണൽ ഗവൺമെന്റ് പ്ലീഡറും സിപിഐ നേതാവുമായ അഡ്വ.അജയകുമാർ സാമൂഹ്യ മാധ്യമത്തിലൂടെ സുപ്രീം കോടതിയെ വിമർശിച്ചത് വിവാദമാകുന്നു. കഴിഞ്ഞ ദിവസം സുപ്രീം കോടതി സെബിയുടെ കാര്യത്തിൽ ഇടപെടാൻ അധികാരം പരിമിതമെന്ന വിധിക്കെതിരെയാണ് വിമർശനം.

സുപ്രീംകോടതിയോട് പരമപുച്ഛമാണെന്നും സുപ്രീം കോടതി ജഡ്ജിമാർ ചങ്ങാത്ത മുതലാളിത്തത്തിന്റെ അടിമയാണെന്നും ആത്മഭിമാനം പണയം വെച്ച സുപ്രീം കോടതി ജഡ്ജിമാരായ വർഗ്ഗങ്ങൾ നിർത്തി പോകണമെന്നും ആവശ്യപ്പെട്ടിട്ടുള്ളത്.

ഇടത് പക്ഷ സർക്കാരിന്റെ പ്രതിനിധിയായി കോടതിയിൽ പ്രവർത്തിച്ച സിപിഐ നേതാവിന് സുപ്രീം കോടതിയോട് പോലും വിശ്വാസമില്ലാത്ത സ്ഥിതിക്ക് കേരള ബാർ കൗൺസിൽസ്വമേധായ ഇദ്ദേഹത്തെ പുറത്താക്കണമെന്നാണ് പൊതു അഭിപ്രായം.