ന്യൂഡൽഹി : ‘നിയമം കൈയിലെടുക്കുന്നവർക്കെതിരെ നടപടി ആവശ്യമാണെന്ന് സുപ്രീം കോടതി.സിജെപി പ്രതിഷേധത്തിലെ ലാത്തിചാർജിനെക്കുറിച്ചുള്ള ഹർജിയിൽ വാദം കേൾക്കുന്നതിനിടെയാണ് കോടതിയുടെ ഈ പരാമശം. രാജ്യത്തുടനീളമുള്ള വിദ്യാർത്ഥി പ്രതിഷേധത്തിനിടെ നടന്ന സംഭവങ്ങളിൽ നിഷ്പക്ഷവും സ്വതന്ത്രവുമായ അന്വേഷണം വേണമെന്നും സുപ്രീം കോടതി വ്യക്തമാക്കി.
പ്രതിഷേധങ്ങൾ ജനാധിപത്യത്തിന്റെ സ്വാഭാവിക ഭാഗമാണെന്നും രാജ്യത്തുടനീളമുള്ള പൊതു പ്രകടനങ്ങളോടും പ്രതിഷേധങ്ങളോടും പോലീസ് പ്രതികരിക്കുന്നതിന് വ്യക്തമായ പ്രോട്ടോക്കോൾ ആവശ്യമാണെന്നും ചീഫ് ജസ്റ്റിസ് (സിജെഐ) സൂര്യകാന്ത് പറഞ്ഞു.വിദ്യാർത്ഥി പ്രതിഷേധത്തിനിടെയുണ്ടായ പോലീസ് അതിക്രമങ്ങളെക്കുറിച്ചുള്ള ആരോപണങ്ങൾ സ്വതന്ത്രമായി അന്വേഷിക്കാത്തത് എന്തുകൊണ്ടാണെന്ന് സുപ്രീം കോടതി ചോദിച്ചു. പ്രതിഷേധങ്ങൾക്കിടെ അതിക്രമം കാണിച്ചവരെയോ നിയമം കൈയിലെടുത്തവരെയോ പ്രോസിക്യൂട്ട് ചെയ്യണമെന്നും കോടതി വ്യക്തമാക്കി.
സ്ഥാപിത നിയമങ്ങൾ ലംഘിച്ച പ്രതിഷേധക്കാർക്കെതിരെ നടപടി വേണം . പ്രതിഷേധങ്ങൾക്കും പോലീസ് നടപടികൾക്കും ഏകീകൃത നിയമങ്ങൾ നിലവിൽ വന്നുകഴിഞ്ഞാൽ, അതിരുകടന്ന പ്രവൃത്തികൾ ചെയ്തവരോ, നിയമം കൈയിലെടുത്തവരോ, അതിക്രമങ്ങൾ നടത്തിയവരോ ആയ ആരെയും നിയമത്തിന് മുന്നിൽ കൊണ്ടുവരാനാകും.സമാധാനപരമായ പ്രതിഷേധങ്ങളിൽ പോലും അക്രമാസക്തരായ ഘടകങ്ങൾ നുഴഞ്ഞുകയറുന്നുണ്ടെന്നും ഇത് അക്രമത്തിലേക്ക് നയിച്ചേക്കാമെന്നും കോടതി പറഞ്ഞു.
