കൊല്ലം: 62-ാമത് സംസ്ഥാന സ്‌കൂൾ കലോത്സവ വിജയികൾക്കുള്ള സ്വർണക്കപ്പ് ചൊവ്വാഴ്ച കൊല്ലത്തേക്ക് പുറപ്പെടും. കഴിഞ്ഞ വർഷത്തെ ചാമ്പ്യന്മാരായ കോഴിക്കോട് നിന്ന് സംസ്ഥാന സ്‌കൂൾ കലോത്സവ വേദിയായ കൊല്ലത്തേക്കുള്ള യാത്രക്കിടയിലുള്ള എല്ലാ ജില്ലകളിലും കപ്പിന് സ്വീകരണം നൽകും.
നാളെ ജില്ലയിൽ പ്രവേശിക്കുന്ന സ്വർണക്കപ്പിന് വിവിധ ഭാഗങ്ങളിൽ വച്ച് സ്വീകരണം നൽകും. കുളക്കടയിലെ ആദ്യ സ്വീകരണത്തിന് ശേഷം കൊട്ടാരക്കര മാർത്തോമ ഹൈസ്‌കൂൾ, കൊട്ടാരക്കര പോലീസ് സ്‌റ്റേഷൻ, നെടുവത്തൂർ ജംഗ്ഷൻ എന്നിങ്ങനെ നിരവധി ഇടങ്ങളിൽ സ്വീകരണം ലഭിക്കും.
നാളെ വൈകിട്ട് 4.30-ന് ഘോഷയാത്ര കടപ്പാക്കട ജംഗ്ഷനിലെത്തും. 4.40-ന് നഗരപ്രദിക്ഷണം. 6.30-ന് ആശ്രാമം മൈതാനത്ത് എത്തിക്കും. ശേഷം ജില്ലാ ട്രഷറിയിൽ സൂക്ഷിക്കും.
