കൊച്ചി : മുഖ്യമന്ത്രി പിണറായി വിജയനെ കുഴിബോംബ് വച്ച് കൊലപ്പെടുത്തുമെന്ന് ഭീഷണി. എറണാകുളം എഡിഎമ്മിന്റെ ഓഫീസിലെത്തിയ കത്തില്ലാണ് ഭീഷണി സന്ദേശമുളളത്.
പഴയ കമ്മ്യൂണിസ്റ്റുകാരെന്ന പേരിലാണ് കത്തയച്ചിരിക്കുന്നത്. ഭീഷണിയെ തുടര്ന്ന് തൃക്കാക്കര പൊലീസ് കേസെടുത്തു. മുഖ്യമന്ത്രിയുടെ സുരക്ഷ കൂട്ടും.
കഴിഞ്ഞ ദിവസമാണ് എഡിഎമ്മിന്റെ ഓഫീസില് ഭീഷണി കത്ത് ലഭിച്ചത്. ഇന്നാണ് തൃക്കാക്കര പൊലീസിന് കത്ത് കൈമാറിയത്. പിണറായി വിജയന് ഭരണത്തെ നശിപ്പിച്ചുവെന്ന് കത്തില് പറയുന്നു.
മുഖ്യമന്ത്രിയുടെ നേതൃത്വത്തില് നവകേരള സദസ് യോഗം അടുത്ത ദിവസം തൃക്കാക്കരയില് നടക്കാനിരിക്കെയാണ് ഭീഷണി കത്ത് വന്നത്
