കൊല്‍ക്കൊത്ത 2024ലെ പൊതുതെരഞ്ഞെടുപ്പില്‍ യുപിയിലെ വാരണസിയില്‍ പ്രധാനമന്ത്രി നരേന്ദ്രമോദിയോട് മത്സരിക്കാന്‍ മമത ബാനര്‍ജിയ്‌ക്ക് ധൈര്യമുണ്ടോ എന്ന് വെല്ലുവിളിച്ച് ബിജെപി. ബിജെപി ബംഗാള്‍ വനിതാ നേതാവ് അഗ്നിമിത്ര പോളാണ് ഈ ചോദ്യം ഉയര്‍ത്തിയത്.
പ്രതിപക്ഷ പാര്‍ട്ടികളുടെ മുന്നണിയായ ഇന്ത്യയുടെ സ്ഥാനാര‍്ത്ഥിയായി പ്രിയങ്കഗാന്ധിയെ വാരണാസിയില്‍ മോദിയ്‌ക്കെതിരെ മത്സരിപ്പിക്കണമെന്ന് മമത ബാനര്‍ജി ഇന്ത്യാ മുന്നണിയോഗത്തില്‍ ആവശ്യം ഉയര്‍ത്തിയിരുന്നു. ഈ ഘട്ടത്തിലാണ് ബിജെപി മോദിയുമായി പോരാട്ടത്തിന് തയ്യാറുണ്ടോ എന്ന് ചോദിച്ച് മമതയെ പ്രകോപിപ്പിച്ചത്.
ഇന്ത്യാമുന്നണിയുടെ നാലാമത്തെ യോഗമാണ് ന്യുദല്‍ഹിയില്‍ ചേര്‍ന്നത്.
