വികസിത ഇന്ത്യ കെട്ടിപ്പടുക്കുന്നതിനായി യുവാക്കളെ സമന്വയിപ്പിക്കാൻ ലക്ഷ്യമിട്ടുള്ള ‘വികസിത് ഭാരത് @ 2047: വോയ്സ് ഓഫ് യൂത്ത്’ സംരംഭത്തിൽ അണിചേരാൻ പ്രധാനമന്ത്രി ശ്രീ നരേന്ദ്ര മോദി ആഹ്വാനം ചെയ്തു. വികസിത ഭാരതം എന്ന നമ്മുടെ സ്വപ്നം യാഥാർത്ഥ്യമാക്കാൻ ഇന്ത്യയുടെ യുവശക്തിക്ക് സാധിക്കുമെന്ന് തനിക്ക് വലിയ വിശ്വാസമുണ്ടെന്ന് ശ്രീ മോദി പറഞ്ഞു.
ഇന്ന് രാവിലെ 10.30ന് അദ്ദേഹം ഈ സംരംഭത്തെ അഭിസംബോധന ചെയ്യും. എക്സിൽ പ്രധാനമന്ത്രി പോസ്റ്റ് ചെയ്തു; “നമ്മുടെ വികസിത ഭാരതം എന്ന സ്വപ്നം യാഥാർത്ഥ്യമാക്കാൻ ഇന്ത്യയുടെ യുവശക്തിക്ക് സാധിക്കുമെന്ന് എനിക്ക് വലിയ വിശ്വാസമുണ്ട്. ഒരു വികസിത ഇന്ത്യ കെട്ടിപ്പടുക്കുന്നതിനായി നമ്മുടെ യുവാക്കളെ സമന്വയിപ്പിക്കാൻ ലക്ഷ്യമിട്ടുള്ള ‘വികസിത് ഭാരത് @ 2047: വോയ്സ് ഓഫ് യൂത്ത്’ സംരംഭത്തെ ഇന്ന് രാവിലെ 10:30 ന് ഞാൻ അഭിസംബോധന ചെയ്യും. പരിപാടിയിൽ പങ്കുചേരാൻ ഞാൻ നിങ്ങളോട് അഭ്യർത്ഥിക്കുന്നു.”
