തിരുവനന്തപുരം: മെഡിക്കല് കോളേജിലെ പി ജി വിദ്യാര്ത്ഥിനി ഡോക്ടര് ഷഹനയുടെ മരണം സ്ത്രീധനത്തിനായി പ്രതിശ്രുതവരന് ഡോ. റുവൈസും വീട്ടുകാരും സമ്മര്ദ്ദം ചെലുത്തിയത് മൂലമെന്ന് ആവര്ത്തിച്ച ഷഹനയുടെ കുടുംബം.റുവൈസിന്റെ പിതാവാണ് വലിയ തുക സ്ത്രീധനം ചോദിച്ചത്. എന്താണ് വേണ്ടതെന്ന് വച്ചാല് കഴിയുന്നത് ചെയ്യാമെന്ന് റുവൈസിനോട് പറഞ്ഞിരുന്നതാണെന്ന് ഷഹനയുടെ സഹോദരന് ജാസിം നാസ് പറഞ്ഞു. എന്നാല് അവര് പറഞ്ഞ തുക താങ്ങാന് കഴിയുന്നതായിരുന്നില്ല .
ചോദിച്ച പണം കിട്ടാതെ വാപ്പ സമ്മതിക്കില്ലെന്ന് റുവൈസ് ഷഹനയോട് പറഞ്ഞിരുന്നു. തനിക്കും വാപ്പയുടെ അഭിപ്രായം തന്നെയാണെന്ന് റുവൈസ് ഷഹനയോട് പറഞ്ഞപ്പോള് അവള് തകര്ന്നുപോയെന്നും സഹോദരന് പറഞ്ഞു.പണമാണ് തനിക്ക് വലുതെന്ന് റുവൈസ് ഷഹനയോട് പറയുകയായിരുന്നുവെന്ന് സഹോദരന് ജാസിം നാസ് പറഞ്ഞു.
വീട്ടുകാരുടെ സമ്മര്ദത്തെ മറികടന്ന് ഷഹനയെ വിവാഹം കഴിക്കാന് റുവൈസ് തയാറാണെങ്കില് രജിസ്റ്റര് ചെയ്യാന് കൂടെ നില്ക്കാമെന്നും ഷഹനയുടെ കുടുംബം പറഞ്ഞിരുന്നു. എന്നാല് പിതാവിനെ ധിക്കരിക്കാനില്ലെന്ന് പറഞ്ഞ് റുവൈസ് ഒഴിഞ്ഞുമാറുകയായിരുന്നു.
