ചെന്നൈ: അമിതമായി അലങ്കാരം ചെയ്ത ഹെൽമറ്റ് ധരിച്ച് ബൈക്കിൽ കറങ്ങി നടന്ന യുവാവിൽ നിന്നും 10,000 രൂപ പിഴ ഈടാക്കി പോലീസ്. തെങ്കാശി ജില്ലയിലെ കുറ്റാലത്തും സമീപ പ്രദേശങ്ങളിലുമായ കറങ്ങി നടന്ന അജിത്തിനാണ് പിഴ ലഭിച്ചത്.
മുയലിന്റെ തലയുടെ രൂപത്തിലുള്ള അലങ്കാരത്തിൽ നിർമിച്ച ഹെൽമറ്റ് അണിഞ്ഞ് അജിത്ത് ബൈക്കിൽ അമിതവേഗത്തിൽ പോകുന്നതിന്റെ വീഡിയോ സമൂഹമാദ്ധ്യമങ്ങളിൽ പ്രചരിച്ചിരുന്നു. സിസിടിവി ദൃശ്യങ്ങളിൽ നിന്നും ബൈക്കിന്റെ നമ്പർ മനസിലാക്കിയാണ് തെങ്കാശി പോലീസ് കണ്ടെത്തിയത്.
അപകടം ഉണ്ടാക്കുന്ന തരത്തിൽ വാഹനം ഓടിച്ചതിന് ഉൾപ്പെടെയാണ് പിഴ ഈടാക്കിയത്. അമിതവേഗത്തിൽ ബൈക്കോടിക്കുകയും അഭ്യാസപ്രകടനം നടത്തുകയും ചെയ്യുന്നവർക്കെതിരെ പോലീസ് നടപടി കർശനമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: