സിനിമയിലെ ബലാത്സംഗ രംഗങ്ങൾ യഥാർത്ഥമാണോ, കൊലപാതക ദൃശ്യങ്ങളിൽ ആരെയെങ്കിലും കൊല്ലുന്നുണ്ടോയെന്നും മൻസൂർ ചോദിച്ചു. താര സംഘടനകൾക്കെതിരേയും മൻസൂർ പ്രതികരിച്ചു. വിശദീകരണം ചോദിക്കാതെയാണ് തന്നോട് മാപ്പ് പറയാൻ ആവശ്യപ്പെട്ടത്. നാല് മണിക്കൂറിനകം നോട്ടീസ് പിൻവലിക്കണമെന്നും അല്ലെങ്കിൽ നിയമനടപടി സ്വീകരിക്കുമെന്നും താരം അറിയിച്ചു.
തമാശ രൂപേണയാണ് താൻ അക്കാര്യങ്ങൾ പറഞ്ഞതെന്നും മൻസൂർ പറഞ്ഞു. നിരവധി മുൻനിര നായികമാർക്കൊപ്്പം അഭിനയിച്ചിട്ടുണ്ട്. അവരെല്ലാവർക്കും തന്നെ തന്റെ സ്വഭാവത്തെ കുറിച്ച് നന്നായി അറിയാം. അഭിമുഖത്തിൽ തമാശയായിട്ടായിരുന്നു താൻ മറുപടി നൽകിയത്. ഇപ്പോൾ നടക്കുന്ന ഭീഷണികൾക്ക് മുന്നിൽ വഴങ്ങുന്നയാളല്ല താനെന്നും പറഞ്ഞിരുന്നു.
സ്ത്രീവിരുദ്ധ വിവാദ പരാമര്ശത്തില് തൃഷയോട് മാപ്പ് പറയില്ലെന്ന കടുത്ത നിലപാടിലാണ് നടൻ മന്സൂര് അലി ഖാന്. ഒപ്പം തന്നോട് സംസാരിക്കുക പോലും ചെയ്യാതെ സംവിധായകൻ ലോകേഷ് കനകരാജ് പ്രസ്താവനയിറക്കിയതില് നിരാശയുണ്ടെന്നും, ഇനി നായകനായി അഭിനയിക്കാന് ആണെങ്കില് മാത്രമേ ലോകേഷിനൊപ്പം സിനിമ ചെയ്യുകയുള്ളുവെന്നും മന്സൂര് അലി ഖാന് പറഞ്ഞു. തമിഴ് താര സംഘടനയായ നടികര് തിലകം തന്നെ അപമാനിക്കുകയാണ് ചെയ്തത്, ഇതിനെതിരെ നിയമനടപടി സ്വീകരിക്കുമെന്നും പുതിയ ചിത്രത്തിന്റെ പ്രമോഷനുമായി ബന്ധപ്പെട്ട പ്രസ്മീറ്റില് മൻസൂർ അലി ഖാൻ പറഞ്ഞു.
വിജയ് ചിത്രം ലിയോയുമായി ബന്ധപ്പെട്ടുള്ള അഭിമുഖത്തിലാണ് മൻസൂർ അലി ഖാൻ വിവാദ പരാമർശം നടത്തിയത്. തൃഷയാണ് നായികയെന്നറിഞ്ഞപ്പോൾ നടിക്കൊപ്പം കിടപ്പറ രംഗങ്ങളിൽ അഭിനയിക്കാൻ അവസരം ലഭിക്കുമെന്നായിരുന്നു പ്രതീക്ഷയെന്നാണ് നടൻ പറഞ്ഞത്. തൃഷയ്ക്കൊപ്പം ബലാത്സംഗ സീൻ ഇല്ലാത്തതിൽ നിരാശയുണ്ടെന്നും മൻസൂർ പറഞ്ഞിരുന്നു.
