ചെന്നൈ: സംവിധായകനായ ലോകേഷ് കനകരാജ് നായകനായി അഭിനയിക്കുന്ന ഡിസി, തിയേറ്ററുകളില് പ്രകമ്പനം സൃഷ്ടിക്കുന്നു. ലോകേഷിന്റെ സ്വാഗും വാമിഖ ഗബ്ബിയുടെ കൂസലില്ലായ്മ നിറഞ്ഞ അഭിനയവും ഇതിനെ മത്ത് പിടിപ്പിക്കുന്ന അനിരുദ്ധിന്റെ സംഗീതവും കൂടിച്ചേരുമ്പോള് തീയേറ്റര് ആകെ ലഹരിയിലാണ്.
ഗ്യാങ്സ്റ്ററായി എത്തുന്ന ലോകേഷിന്റെ കഥാപാത്രം ആദ്യാവസാനം വരെ കയ്യടി നേടുന്നു. ആദ്യപകുതിയോടെയാണ് വാമിഖ ഗബ്ബിയുടെ ചന്ദ്ര എന്ന കഥാപാത്രം കടന്നുവരുന്നത്.ജീവനില്ലാത്ത പ്ലാസ്റ്റിക് പൂവും ആളെക്കൊല്ലുന്ന തോക്കും കൂടി ചേർന്നാല് എന്താണ് സംഭവിക്കുക? അതാണ്, ഡിസി എന്ന സിനിമയിലെ നായികാനായകന്മാരായ ദേവദാസിന്റെയും ചന്ദ്രയുടെയും കഥ. ആദ്യപകുതി അവസാനിക്കുമ്പോഴുള്ള ഫൈറ്റും പിന്നീട് വാമിഖ ഗബ്ബിയുടെ വരവുമെല്ലാം തിയേറ്ററില് വൻ ഓളമാണ് ഉണ്ടാക്കിയിരിക്കുന്നത്.
സഞ്ജന കൃഷ്ണമൂർത്തിയുടെയും വാമിഖ ഹബ്ബിയുടെയും ശക്തമായ സ്ത്രീകഥാപാത്രങ്ങളാണ് ഡിസിയുടെ കരുത്ത്. ലോകേഷിനൊപ്പം തന്നെ തിയേറ്ററിനെ ഇളക്കിമറിക്കാൻ വാമിഖയ്ക്കും സാധിച്ചു.
