ചെന്നൈ: നടി തൃഷയ്‌ക്കെതിരെ ദ്വയാര്‍ത്ഥ പരാമര്‍ശം നടത്തിയതിന് തമിഴ്‌നാട് പൊലീസ് അറസ്റ്റ് ചെയ്ത പ്രതിപക്ഷ നേതാവ് ഉദയനിധി സ്റ്റാലിനെ സ്റ്റേഷന് ജാമ്യത്തില്‍ വിട്ടു. തഞ്ചാവൂര്‍ സെങ്കപ്പട്ടി പൊലിസ് സ്റ്റേഷനില്‍ ഒന്നരമണിക്കൂറുകളോളം നീണ്ട ചോദ്യം ചെയ്യലിന് ശേഷമാണ് അദ്ദേഹത്തെ വിട്ടത്. മുതിര്‍ന്ന നേതാക്കളും നൂറ് കണക്കിന് ഡിഎംകെ പ്രവര്‍ത്തകരും സ്റ്റേഷന് മുന്നില്‍ ഉദയനിധി പുറത്തിറങ്ങുന്നത് കാത്ത് നിന്നിരുന്നു.
നീലാങ്കരയിലെ വീട്ടില്‍ നിന്നാണ് രാവിലെ ഉദയനിധിയെ പൊലീസ് അറസ്റ്റ് ചെയ്തത്. ചോദ്യം ചെയ്ത ശേഷം ഉദയനിധിയെ വിട്ടയയ്‌ക്കണമെന്ന് മദ്രാസ് ഹൈക്കോടതി ഉത്തരവിട്ടിരുന്നു.
ഉദയനിധിയുടെ അറസ്റ്റില്‍ സംസ്ഥാന വ്യാപക പ്രതിഷേധമായിരുന്നു നടന്നത്.ഉദയനിധിയുമായി പോയ പൊലീസ് വാഹനം വണ്ടല്ലൂരില്‍ ഡി എം കെ പ്രവര്‍ത്തകര്‍ തടയുന്ന സാഹചര്യവും ഉണ്ടായി.തിരുനെല്‍വേലിയിലും മയിലാടുതുറയിലും പ്രതിഷേധം സംഘര്‍ഷത്തില്‍ എത്തി. മദ്രാസ് ഹൈക്കോടതി ഉത്തരവിന് പിന്നാലെ ഡി എം കെ ആസ്ഥാനത്ത് മുതിര്‍ന്ന നേതാക്കളുടെ നേതൃത്വത്തില്‍ ആഘോഷം നടന്നു.
