തിരുവനന്തപുരം: കേന്ദ്ര യുവജനകാര്യ കായിക മന്ത്രാലയത്തിന് കീഴിലുള്ള നെഹ്‌റു യുവകേന്ദ്ര സംഘതന്‍ ഇന്ത്യ @ 2047 ന്റെ ഭാഗമായി സംഘടിപ്പിക്കുന്ന യുവ ഉത്സവ് 2023 ഈ മാസം 18, 19 തീയതികളില്‍ വര്‍ക്കലയില്‍ നടക്കും.
പരിപാടിയുടെ സംസ്ഥാനതല ഉദ്ഘാടനം വിദേശകാര്യ പാര്‍ലമെന്ററികാര്യ സഹമന്ത്രി വി. മുരളീധരന്‍ വര്‍ക്കല ശിവഗിരി ഹയര്‍ സെക്കണ്ടറി സ്‌കൂളില്‍ രാവിലെ 10 മണിക്ക് നിര്‍വ്വഹിക്കും.
അടൂര്‍ പ്രകാശ് എം.പി, വി.ജോയ് എം.എല്‍.എ, നെഹ്‌റു യുവകേന്ദ്ര സംസ്ഥാന ഡയറക്ടര്‍ എം. അനില്‍ കുമാര്‍ തുടങ്ങിയവര്‍ സംബന്ധിക്കും. രണ്ട് ദിവസത്തെ യുവ ഉത്സവില്‍ വിവിധ കലാമത്സരങ്ങള്‍ നടക്കും. പരിപാടിയുടെ ഭാഗമായി വികസിത് ഭാരത് പ്രദര്‍ശനവും ഒരുക്കിയിട്ടുണ്ട്.
