കൊച്ചി: വി-ഗാര്ഡ് കുടുംബത്തില് നിന്നുള്ള അമ്യൂസ് മെന്റ് പാര്ക്ക് ബിസിനസാണ് വണ്ടര്ലാ. ബെംഗളൂരു നഗരത്തില് നിന്നും 28 കിലോമീറ്റര് ്കലെയുള്ള ബിദാദിയിലാണ് വണ്ടര്ലായുടെ ആസ്ഥാനം. ഇപ്പോള് കേരളത്തിലെ കൊച്ചി, കര്ണ്ണാടകയിലെ രാമനഗരം, തെലുങ്കാനയിലെ ഹൈദരാബാദ് എന്നിവിടങ്ങളിലായി മൂന്ന് അമ്യൂസ് മെന്റ് പാര്ക്കുകളാണ് ഉള്ളത്. വി ഗാര്ഡിന്റെ കൊച്ചൗസേപ്പ് ചിറ്റലപ്പിള്ളിയുടെ മകന് അരുണ് കെ. ചിറ്റിലപ്പിള്ളിയാണ് വണ്ടര്ലായുടെ മാനേജിംഗ് ഡയറക്ടര്.
ഇപ്പോള് രാജ്യത്തെ ഏറ്റവും വലിയ അമ്യൂസ് മെന്റ് പാര്ക്ക് ശൃംഖലയായി വണ്ടര്ലാ വളര്ന്നിരിക്കുന്നു. കര്ണ്ണാടകത്തില് 82 ഏക്കറിലാണ് വണ്ടര് ലാ. ഇവിടെ ത്രില് പകരുന്ന 60 തരം റൈഡുകളാണ് വാഗ്ദാനം ചെയ്യുന്നത്.
തുടക്കം കുറിച്ചത് കൊച്ചൗസേഫ് ചിറ്റിലപ്പിള്ളി
വി-ഗാര്ഡ് ഉടമയായ കൊച്ചൗസേഫ് ചിറ്റിലപ്പിള്ളി 2000ല് ആണ് അമ്യൂസ് മെന്റ് പാര്ക്ക് ബിസിനസ് കൊച്ചിയില് ആരംഭിച്ചത്. അന്ന് അതിന്റെ പേര് വീഗാലാന്റ് എന്നായിരുന്നു. 75 കോടിയില് ആരംഭിച്ച വീഗാലാന്റ് വിജയമായതോടെ കൊച്ചൗസേപ്പും മകന് അര്ജുന് ചിറ്റിലപ്പിള്ളിയും ചേര്ന്ന് 105 കോടിയില് കര്ണ്ണാടകയില് ആരംഭിച്ച അമ്യൂസ് മെന്റ് പാര്ക്കാണ് വണ്ടര്ലാ.
ഓഹരി വിപണിയില്
ഹൈദരാബാദില് അമ്യൂസ് മെന്റ് പാര്ക്ക് ആരംഭിക്കുന്നതിന് 180 കോടി പിരിച്ചെടുക്കാനാണ് വണ്ടര്ലാ ഓഹരിവിപണിയില് ലിസ്റ്റ് ചെയ്തത്. പ്രാഥമിക ഓഹരി വില്പന വന് വിജയമായി. വിപണിയില് നിന്നും പിരിച്ചെടുത്ത തുക കൊണ്ട് ഹൈദരാബാദിലെ വണ്ടര് ലാ ആരംഭിച്ചു. കഴിഞ്ഞ ആറ് മാസത്തില് 95 ശതമാനമാണ് ഓഹരി വില കുതിച്ചത്. ആറ് മാസം മുന്പ് 456 രൂപയായിരുന്ന ഓഹരി വില ഇപ്പോള് 900 രൂപയില് എത്തി നില്ക്കുന്നു. ഇത് കഴിഞ്ഞ 52 ആഴ്ചയിലെ ഏറ്റവും ഉയര്ന്ന വിലയാണ്.
2023-24ലെ രണ്ടാം സാമ്പത്തിക പാദത്തില് വളര്ച്ച
ഈ സാമ്പത്തിക വര്ഷത്തിലെ രണ്ടാം സാമ്പത്തിക പാദമായ ജൂലായ്-സെപ്തംബര് ത്രൈ മാസത്തില് 28 ശതമാനം ലാഭം നേടി. ഈ മൂന്ന് മാസക്കാലയളവില് 13.52 കോടി അറ്റാദായം നേടി. മുന്വര്ഷം ഇതേ കാലയളവിലെ ലാഭം 10.53 കോടി മാത്രമായിരുന്നു.
മൊത്ത വരുമാനത്തില് 17 ശതമാനം വളര്ച്ചയുണ്ടായി. ഇപ്പോള് 81.41 കോടിയായി. ഈ മൂന്ന് മാസങ്ങളില് 4.86 ലക്ഷം പേരാണ് വണ്ടര്ലായുടെ കൊച്ചി, ബെംഗളൂരു, ഹൈദരാബാദ് പാര്ക്കുകള് സന്ദര്ശിച്ചത്.
പുതിയ പാര്ക്കുകള്
ഒഡിഷയിലെ ഭൂവനേശ്വറില് 145 കോടി രൂപ ചെലവില് പുതിയ പാര്ക്ക് ഉടന് പണി പൂര്ത്തിയാക്കി പ്രവര്ത്തനം തുടങ്ങും. ചെന്നൈയിലും പുതിയ വണ്ടര്ലാ അമ്യൂസ് മെന്റ് പാര്ക്ക് വരും.
