ഉപയോഗിക്കാതെ കിടക്കുന്ന ജിമെയില് അക്കൗണ്ടുകള് ഡിസംബര് മുതല് നീക്കം ചെയ്യാനൊരുങ്ങി ഗൂഗിള്. കുറഞ്ഞത് രണ്ട് വര്ഷക്കാലം സൈന് ഇന് ചെയ്യുകയോ ഉപയോഗിക്കുകയോ ചെയ്യാത്ത അക്കൗണ്ടുകളാണ് ഡിസംബറില് കമ്പനി നീക്കം ചെയ്യുക. ജിമെയില്, ഡോക്സ്, െ്രെഡവ്, മീറ്റ്, കലണ്ടര്, ഗൂഗിള് ഫോട്ടോസ് അക്കൗണ്ടുകള് ഇക്കൂട്ടത്തില് പെടും.
പേഴ്സണല് ഗൂഗിള് അക്കൗണ്ടുകളെയാണ് ഈ നടപടി ബാധിക്കുക. സ്ഥാപനങ്ങള് ഉപയോഗിക്കുന്ന ജിമെയില് അക്കൗണ്ടുകളെ ബാധിക്കില്ല. ഏറെ കാലം ഉപയോഗിക്കാതെ കിടക്കുന്ന ജിമെയില് അക്കൗണ്ടുകള് സുരക്ഷിതമല്ലെന്ന് ഗൂഗിള് പറയുന്നു. കഴിഞ്ഞ മെയില് പുതുക്കിയ ഗൂഗിള് അക്കൗണ്ടുകളുടെ ഇനാക്റ്റിവിറ്റി പോളിസിയ്ക്ക് കീഴിലാണ് നടപടി.
ഘട്ടം ഘട്ടമായാണ് അക്കൗണ്ടുകള് നീക്കം ചെയ്യുക. അക്കൗണ്ട് നിര്മിച്ചതിന് ശേഷം ഒട്ടും ഉപയോഗിക്കാതെ കിടക്കുന്നവയാണ് അതില് ആദ്യം ഒഴിവാക്കുക. നീക്കം ചെയ്യാന് പോവുന്ന അക്കൗണ്ടുകളിലേക്ക് അക്കാര്യം അറിയിച്ചുകൊണ്ട് പല തവണ ഇമെയിലുകള് അയക്കുമെന്നും ഗൂഗിള് വ്യക്തമാക്കുന്നു. ഉപയോഗിക്കാത്ത അക്കൗണ്ടുകളിലേക്കും ആ അക്കൗണ്ടുമായി റിക്കവറി ഇമെയില് ബന്ധിപ്പിച്ചിട്ടുണ്ടെങ്കില് അതിലേക്കും അറിയിപ്പ് ലഭിക്കും.
അക്കൗണ്ടുകള് ലോഗിന് ചെയ്തും ഇതേ അക്കൗണ്ടുകള് ഉപയോഗിച്ച് ഗൂഗിളിന്റെ മറ്റ് സേവനങ്ങളും ഉപയോഗിക്കാന് ശ്രമിക്കുക. ഇത്തരത്തില് അക്കൗണ്ടുകളെ സജീവമായി നിലനവിര്ത്തിയാല് പ്രശ്നം പരിഹരിക്കാം.
