ചങ്ങനാശ്ശേരി: വിശ്വകര്‍മ്മ സര്‍വ്വീസ് സൊസൈറ്റി സംസ്ഥാന കമ്മറ്റിയുടെ ജില്ല-താലൂക്ക് പ്രസിഡന്റ്, സെക്രട്ടറി, ഖജാന്‍ജി, പോഷകഘടക ഭാരവാഹികള്‍ എന്നിവര്‍ക്കായി കേന്ദ്രസര്‍ക്കാര്‍ പദ്ധതിയായ പി.എം. വിശ്വകര്‍മ്മ യോജന പദ്ധതിയുമായി ബന്ധപ്പെട്ട് ഏകദിനശില്പശാല നടത്താന്‍ വിഎസ്എസ് കൗണ്‍സില്‍ യോഗം തീരുമാനിച്ചു.
ഞായറാഴ്ച രാവിലെ 10ന് ചങ്ങനാശ്ശേരി ആസ്ഥാന മന്ദിരത്തിലാണ് ശില്പശാല നടക്കുക.
യോഗത്തില്‍ വിഎസ്എസ് സംസ്ഥാന പ്രസിഡന്റ് അഡ്വ. ടി.ആര്‍. മധു അധ്യക്ഷനായി. ജനറല്‍ സെക്രട്ടറി വിനോദ് തച്ചുവേലില്‍, ട്രഷറര്‍ കെ.ആര്‍. സുധീന്ദ്രന്‍, വൈസ് പ്രസിഡന്റുമാരായ പി. ഉദയഭാനു, പൊറ്റശ്ശേരി ഗോപാലന്‍, സെക്രട്ടറിമാരായ അഡ്വ. എം.എ. ബിജോയ്‌കുമാര്‍, എം.വി. ലക്ഷ്മണന്‍, കൗണ്‍സില്‍ അംഗങ്ങളായ പി.ടി. രംഗനാഥന്‍, എന്‍.പി. പ്രമോദന്‍, കെ.എന്‍. കമലാസനന്‍, രാജേഷ് മണി എന്നിവര്‍ സംസാരിച്ചു.
ജന്മഭൂമി ഓണ്‍ലൈന്‍