രാജ്യത്തെ പ്രതിരോധിക്കാന്‍ വേണ്ടി പൊരുതുകയും സ്വന്തം ജീവന്‍ ബലിയര്‍പ്പിക്കുകയും ചെയ്ത തേജസിന്റെ (മുഴുവന്‍ പേര് റണാവത്ത് തേജസ് ഗില്‍) കഥ പറയുന്ന സിനിമയുടെ റിലീസിന് മുന്‍പ് അനുഗ്രഹം തേടി ബോളിവുഡ് നടി കങ്കണ റണാവത്ത് വാജ് പേയിയുടെ സ്മാരകത്തിന് മുന്‍പിലെത്തി.
ദല്‍ഹിയിലെ അടല്‍ ബിഹാരി വാജ് പേയി സ്മാരകത്തിലാണ് കങ്കണ റണാവത്ത് എത്തിയത്. തേജസ് എന്ന യുദ്ധവിമാനത്തിന് ആ പേര് നല്‍കിയ നേതാവ് കൂടിയാണ് വാജ് പേയി. ആദ്യമായി ആകാശത്ത് നടക്കുന്ന യുദ്ധത്തിന്റെ കഥ പറയുന്ന ആക്ഷന്‍ ചിത്രം എന്ന സവിശേഷതയും തേജസിനുണ്ട്.
വിജയദശമി നാളായ ചൊവ്വാഴ്ച വെളുത്ത ഡ്രസണിഞ്ഞ് എത്തിയ കങ്കണ രാജ്യത്തിന് വേണ്ടി ബലി അര്‍പ്പിച്ച മുഴുവന്‍ ധീരയോദ്ധാക്കള്‍ക്കും വേണ്ടി പ്രാര്‍ത്ഥിച്ചു. വാജ് പേയിയുടെ ബലി കുടീരത്തില്‍ പൂക്കള്‍ അര‍്പ്പിച്ചു. ഈ ആഴ്ച തന്നെ തേജസ് തിയറ്ററുകളിലെത്തും.
