ടെല്‍ അവീവ് : ഈ മാസം 7ന് ഹമാസ് ബന്ദിയാക്കിയ 85കാരിയായ ഇസ്രയേലി സ്ത്രീയെ കഴിഞ്ഞ ദിവസമാണ് തീവ്രവാദി സംഘം വിട്ടയച്ചത്.എന്നാല്‍ തന്നെ ബന്ദിയാക്കിയവര്‍ സൗമ്യമായാണ് പെരുമാറിയതെന്ന് മോചിതയായ ലിഫ്ഷിറ്റ്‌സ് വെളിപ്പെടുത്തി.
തടവിലായിരുന്ന സമയത്ത് തനിക്ക് ആവശ്യമായ എല്ലാ മരുന്നുകളും ലഭിച്ചുവെന്ന് ഉറപ്പാക്കാന്‍ ഒരു ഡോക്ടര്‍ തന്നെ സന്ദര്‍ശിച്ചതായും അവര്‍ വെളിപ്പെടുത്തി. മോചിപ്പിക്കുന്നതിന്റെ ദൃശ്യങ്ങള്‍ സാമൂഹ്യ മാധ്യമങ്ങളില്‍ പ്രചരിക്കുന്നുണ്ട്. അതില്‍ അവര്‍ ഹമാസ് തീവ്രവാദിയുമായി ഹസ്തദാനം ചെയ്യുന്നത് കാണാം.
‘അവര്‍ ഞങ്ങള്‍ക്ക് പിറ്റ ബ്രെഡ്, ഹാര്‍ഡ് ചീസ്, കുറച്ച് കൊഴുപ്പ് കുറഞ്ഞ ക്രീം എന്നിവ നല്‍കി. ചീസും വെളളരിക്കയും അതായിരുന്നു ദിവസം മുഴുവന്‍ ഞങ്ങളുടെ ഭക്ഷണം.” എന്നിരുന്നാലും, തകര്‍ന്നുപോയി, സാഹചര്യം ഉലച്ചു കളഞ്ഞു-ലിഫ്ഷിറ്റ്‌സ് പറഞ്ഞു.
ഒരു മോട്ടോര്‍ ബൈക്കില്‍ ആണ് തട്ടിക്കൊണ്ടുപോയത്. വേദനാജനകമായ അനുഭവമായിരുന്നു. ശ്വസിക്കാന്‍ പോലും ബുദ്ധിമുട്ടിയെന്ന് ലിഫ്ഷിറ്റ്‌സ് പറഞ്ഞു.കുറച്ച് കിലോമീറ്ററുകള്‍ നടത്തിക്കൊണ്ട് പോയി. തുരങ്കങ്ങളിലേക്കാണ് കൊണ്ടുപോയത്.
