മുംബയ്: ലോകകപ്പില്‍ ദക്ഷിണാഫ്രിക്കയോട് തകര്‍ന്ന് നിലവിലെ ചാമ്പ്യന്മാരായ ഇംഗ്ലണ്ട്.ദക്ഷിണാഫ്രിക്ക ഉയര്‍ത്തിയ 400 റണ്‍സ് എന്ന വിജയ ലക്ഷ്യം പിന്തുടര്‍ന്ന ഇംഗ്ലണ്ട് വെറും 170 റണ്‍സിന് എല്ലാവരും പുറത്തായി. ദക്ഷിണാഫ്രിക്ക 229 റണ്‍സിന്റെ റെക്കോഡ് വിജയമാണ് നേടിയത്.
ഇംഗ്ലണ്ടിന്റെ ബെയര്‍‌സ്റ്റോ 10, മലന്‍ 6, റൂട്ട് 2, സ്റ്റോക്‌സ് 5, ബ്രൂക് 17, ബട്‌ലര്‍ 15 എന്നിവരെല്ലാം നേരത്തേ പുറത്തായി. ഒടുവില്‍ മാര്‍ക് വൂഡും 43 നോട്ടൗട്ട,് ആറ്റ്കിന്‍സണ്‍ 35 റണ്‍സുമെടുത്താണ് സ്‌കോര്‍ 170ല്‍ എങ്കിലും എത്തിച്ചത്. 22 ഓവറില്‍ ഇംഗ്ലണ്ട് 170ന് എല്ലാവരും പുറത്തായി.
ദക്ഷിണാഫ്രിക്കയ്‌ക്ക് വേണ്ടി കോട്‌സി മൂന്ന് വിക്കറ്റും യാന്‍സണ്‍, എംഗിഡി എന്നിവര്‍ രണ്ട് വിക്കറ്റ് വീതവും, റബാഡ, മഹാരാജ എന്നിവര്‍ ഒരു വിക്കറ്റ് വീതവും നേടി.
ആദ്യം ബാറ്റു ചെയ്ത ദക്ഷിണാഫ്രിക്ക 50 ഓവറില്‍ 7 വിക്കറ്റ് നഷ്ടത്തില്‍ 399 റണ്‍സ് എടുത്തു. ക്ലാസന്‍ 67 പന്തില്‍ 109 റണ്‍സ് നേടി കളിയിലെ താരമായി.
റീസ ഹെന്‍ഡ്രിക്‌സ് 75 പന്തില്‍ 85 റണ്‍സും നേടി. മാര്‍കോ ജാന്‍സന്‍ 42 പന്തില്‍ പുറത്താകാതെ75 റണ്‍സെടുത്തു.
