മാന്നാര്(ആലപ്പുഴ): നാലുവയസുകാരനായ മകനെ കൊലപ്പെടുത്തി യുവാവ് ആത്മഹത്യ ചെയ്തു. മാന്നാര് പതിനൊന്നാം വാര്ഡില് കുട്ടംപേരൂര് വല്ലത്തേരില് ചര്ച്ചിന് സമീപം ഗുരുതിയില് വടക്കേതില് കൃപാസദനം സൈമണ്-സൂസന് ദമ്പതികളുടെ മകന് മിഥുന്കുമാര് (ജോണ്-34) ആണ് മകന് ഡല്വിന് ജോണിനെ കൊലപ്പെടുത്തിയ ശേഷം ആത്മഹത്യ ചെയ്തത്.
പന്തളം ഇടപ്പോണ് ജോസ്കോ ആശുപത്രിയിലെ സെക്യൂരിറ്റി ജീവനക്കാരനായ സൈമണ് രാവിലെ ജോലി കഴിഞ്ഞ്, പള്ളിയില് പോയ ഭാര്യ സൂസനെയും കൂട്ടി വീട്ടിലെത്തിയപ്പോഴാണ് മകനും കൊച്ചുമകനും മരിച്ച് കിടക്കുന്നതായി കാണുന്നത്. കിടപ്പു മുറിയിലെ സീലിങ് ഫാനില് കെട്ടിത്തൂങ്ങിയ ഷാള് പൊട്ടി നിലത്തുവീണ നിലയില് മിഥുനും മകന് കട്ടിലിലുമായി മരിച്ച് കിടക്കുകയായിരുന്നു. മകനെ ശ്വാസം മുട്ടിച്ച് കൊലപ്പെടുത്തിയതിനുശേഷം ഇരുകൈകളിലേയും ഞരമ്പ് മുറിച്ച മിഥുന് തൂങ്ങി മരിക്കുകയുമായിരുന്നുവെന്നാണ് പ്രാഥമിക നിഗമനം.
മിഥുന് എഴുതിയ ആത്മഹത്യാക്കുറിപ്പ് പോലീസ് സമീപത്ത് നിന്നും കണ്ടെടുത്തു. റാന്നി നെല്ലിക്കമണ് തൈപ്പറമ്പില് ജോണ് – ലത ദമ്പതികളുടെ മകള് സെലിന് ആണ് മിഥുന്റെ ഭാര്യ. സെലിന് ഒന്നര വര്ഷമായി സൗദിയില് നഴ്സാണ്. പത്ത് വര്ഷം ഗള്ഫില് ജോലി ചെയ്തിരുന്ന മിഥുന് അഞ്ച് വര്ഷം മുമ്പ് തിരികെ നാട്ടില് എത്തിയ ശേഷം പെയിന്റിങ് ജോലികള് ചെയ്തു വരികയായിരുന്നു. അങ്കണവാടി വിദ്യാര്ത്ഥിയാണ് ഡല്വിന് ജോണ്. ആലപ്പുഴയില് നിന്നുമെത്തിയ ഫോറന്സിക് വിദഗ്ധര് പരിശോധനകള് നടത്തി.
ജില്ലാ പോലീസ് മേധാവി ചൈത്ര തെരേസ ജോണ്, ചെങ്ങന്നൂര് ഡിവൈഎസ്പി എം.കെ. ബിനുകുമാര്, മാന്നാര് എസ്എച്ച്ഒ ജോസ് മാത്യു, എസ്ഐ അഭിരാം സി.എസ് എന്നിവര് സ്ഥലത്തെത്തി മേല്നടപടികള് സ്വീകരിച്ചു. മൃതദേഹങ്ങള് വണ്ടാനം മെഡിക്കല് കോളജില് പോസ്റ്റ്മോര്ട്ടം നടത്തി. സംസ്കാരം പിന്നീട്.
