ന്യൂദല്‍ഹി: ഓപ്പറേഷന്‍ അജയുടെ ചാര്‍ട്ടര്‍ വിമാനം ഇന്ന് ഇസ്രായേല്‍ തലസ്ഥാനമായ ടെല്‍ അവീവില്‍ എത്തുമെന്നും വെള്ളിയാഴ്ച രാവിലെയോടെ 230 യാത്രക്കാരുമായി ഇന്ത്യയിലേക്ക് മടങ്ങുമെന്നും വിദേശകാര്യ മന്ത്രാലയ വക്താവ് അരിന്ദം ബാഗ്ചി പറഞ്ഞു.
ഇസ്രായേലില്‍ യുദ്ധം ശ്ക്തമായതിനെ തുടര്‍ന്ന് നാട്ടിലേക്ക് മടങ്ങിവരാന്‍ ആഗ്രഹിക്കുന്ന ഇന്ത്യന്‍ പൗരന്മാര്‍ക്ക് ഇസ്രായേലില്‍ നിന്ന് മടങ്ങിവരുന്നതിനാണ് ഓപ്പറേഷന്‍ അജയ് ആരംഭിച്ചത്.
ഇതിന്റെ ഭാഗമായുള്ള ആദ്യ ചാര്‍ട്ടര്‍ വിമാനം ഇന്ന് രാത്രിയോടെ ടെല്‍ അവീവിലെത്തി ഇന്ത്യന്‍ പൗരന്മാരെ കൊണ്ടുവരും. നാളെ രാവിലെ ഇത് ഭാരതത്തിലെത്തുമെന്നും അദേഹം പറഞ്ഞു.
ഞങ്ങള്‍ ഇസ്രായേലിലെ സ്ഥിതിഗതികള്‍ സൂക്ഷ്മമായി നിരീക്ഷിച്ചുവരികയാണ്. യുദ്ധത്തില്‍ ഇതുവരെ ഇന്ത്യാക്കാര്‍ക്ക് അപകടമുണ്ടയാതായി അറിവില്ലെന്നും. ഇസ്രായേലില്‍ എല്ലാ ഇന്ത്യക്കാരും സുരക്ഷിതരാണെന്നും അരിന്ദം ബാഗ്ചി പറഞ്ഞു.
ഏകദേശം 18,000 ഇന്ത്യക്കാര്‍ ഇസ്രായേലിലുണ്ട്. സംഘര്‍ഷം ഇപ്പോഴും തുടരുന്നക് ആശങ്കാജനകമാണ്. ഞങ്ങളുടെ ദൗത്യം നല്‍കുന്ന ഉപദേശങ്ങള്‍ പാലിക്കാന്‍ ഇന്ത്യക്കാര്‍ ശ്രദ്ധിക്കണമെന്നും അദേഹം പറഞ്ഞു.
ഹമാസും ഇസ്രായേലും തമ്മിലുള്ള യുദ്ധം ശക്തമായതിനെ തുടര്‍ന്ന് ഇസ്രായേലിലെ 18,000 ഇന്ത്യക്കാരെ തിരികെ കൊണ്ടുവരാന്‍ പ്രധാനമന്ത്രി നരേന്ദ്ര മോദി ആരംഭിച്ച പ്രത്യേക സംവിധാനമാണ് ‘ഓപ്പറേഷന്‍ അജയ്’.
ഇന്നു മുതലാണ് ഇന്ത്യക്കാരുടെ രജിസ്‌ട്രേഷന്‍ ആരംഭിച്ചത്. ഇസ്രായേലിലെ ഇന്ത്യന്‍ എംബസി ഇന്ത്യന്‍ കമ്പനികള്‍ക്ക് സഹായം നല്‍കുകയും സഹായം ആവശ്യമുള്ള ഇന്ത്യന്‍ പൗരന്മാര്‍ക്കായി ഒരു ഹെല്‍പ്പ് ലൈന്‍ സ്ഥാപിക്കുകയും ചെയ്തിട്ടുണ്ട്.
