ന്യൂദല്‍ഹി: ഹമാസുകാരെ ഭീകരര്‍ എന്നു വിശേഷിപ്പിച്ച മുന്‍ മന്ത്രി കെ കെ ഷൈലജ നിലപാട് മയപ്പെടുത്തി. കെ ടി ജലീല്‍ ഉള്‍പ്പെടെ പാര്‍ട്ടിയിലെ ഹമാസ് ഭക്തര്‍ പരസ്യ എതിര്‍പ്പുമായി വന്നതാണ് കാരണം.
‘ഇസ്രയേലിന്റെ ജനവാസ മേഖലയില്‍ ഹമാസ് ഭീകരര്‍ നടത്തിയ ആക്രമണത്തെ മന:സ്സാക്ഷിയുള്ളവരെല്ലാം അപലപിക്കും.’ എന്നായിരുന്നു ഷൈലജ ആദ്യം ഫേസ് ബുക്കില്‍ കുുറിച്ചത്. ഇതിനു മറുപടി എന്നനിലയില്‍ കെ ടി ജലീല്‍ ‘ഹമാസ് ഭീകരര്‍’ എങ്കില്‍ ‘ഇസ്രയേല്‍ കൊടുംഭീകരര്‍’ എന്ന പോസ്റ്റുമായി രംഗത്തുവന്നു. അതിനു താഴെ ഷൈലജയെ ആക്ഷേപിക്കുന്ന നിരവധി കമന്റുകളും വന്നു. തുടര്‍ന്നാണ് പുതിയ പോസ്റ്റുമായി ഷൈലജ എത്തിയത്.
അദ്യത്തെ ഫേസ് ബുക്ക് പോസ്റ്റ്
പുതിയ ഫേസ് ബുക്ക് പോസ്റ്റ്
ഇസ്രയേല്‍ബപലസ്തീന്‍ യുദ്ധത്തെക്കുറിച്ച് ഞാന്‍ എഴുതിയ ഫേസ്ബുക്ക് പോസ്റ്റ് പല രീതിയില്‍ ചര്‍ച്ച
ചെയ്യപ്പെടുന്നതായി കാണുന്നു.1948 മുതല്‍ പലസ്തീന്‍
ജനത അഭിമുഖീകരിക്കുന്ന കൊടുംക്രൂരതകള്‍ക്ക് കാരണക്കാര്‍
ഇസ്രയേലും അവരെ സഹായിക്കുന്ന സാമ്രാജ്യത്ശക്തിക
ളുമാണെന്നാണ് പോസ്റ്റില്‍ എഴുതിയത്.ഇടതുപക്ഷം എപ്പോഴും പലസ്തീന്‍ ജനതയോട് ഐക്യദാര്‍ഢ്യം പ്രകടിപ്പിക്കുകയും അവരുടെ ഭൂമിയില്‍ കയ്യേറ്റം നടത്തുന്ന
ഇസ്രയേലിന്റെ നടപടിയെ വിമര്‍ശിക്കുകയും ചെയ്തിട്ടുണ്ട്.എന്നാല്‍ യുദ്ധതടവുകാരോടും സാധാരണ
ജനങ്ങളോടും ഹമാസ് കാണിച്ച ക്രൂരതയെ ന്യായീകരിക്കാന്‍ കഴിയില്ല എന്നും പോസ്റ്റില്‍ എഴുതി
യിരുന്നു.
പലസ്തീന്‍ ജനതയോട് വര്‍ഷങ്ങളായി ഇസ്രയേല്‍
ചെയ്യുന്നതും ഇതേ ക്രൂരതയാണെന്ന് പോസ്റ്റില്‍ എഴുതിയിരുന്നു.യുദ്ധങ്ങള്‍ നിരപരാധികളായ
മനുഷ്യരെയാണ് വേട്ടയാടുന്നത്.ഇസ്രയേല്‍ ഇപ്പോള്‍പ്രഖ്യാപിച്ച കരയുദ്ധം അവസാനിപ്പിക്കാന്‍
ഐക്യരാഷ്‌ട്രസഭ ഇടപെടുന്നില്ലെങ്കില്‍ ഇതിനെക്കാള്‍
വലിയ ഭീകരതകള്‍ക്കാണ് നാം സാക്ഷ്യം വഹിക്കേണ്ടി
വരിക.ഏത് യുദ്ധത്തിലും വര്‍ഗീയ ലഹളകളിലും
നരകയാതനകള്‍ക്ക് വിധേയരാകുന്നത് സ്ത്രീകളും
അനാഥരാകുന്ന കുട്ടികളുമായിരിക്കും.
