അഹമ്മദാബാദ്: ഏകദിന ലോകകപ്പില് ഇന്ത്യ – പാകിസ്ഥാന് സൂപ്പര് പോരാട്ടം ശനിയാഴ്ച്ച നടക്കാനിരിക്കെ സ്റ്റേഡിയം തകര്ക്കുമെന്ന് ഭീഷണി സന്ദേശം.മത്സരം നടക്കുന്ന അഹമ്മദാബാദിലെ നരേന്ദ്ര മോദി സ്റ്റേഡിയത്തിനാണ് ഭീഷണി.
ഇമെയിലിലൂടെയാണ് ഭീഷണി. യൂറോപ്പില് നിന്നാണ് ഇമെയില് അയച്ചിരിക്കുന്നത്. അധികൃതര് ഭീഷണിയെ ഗൗരവമായിട്ടാണ് കാണുന്നത്.
തിഹാര് ജയിലിലുളള കുപ്രസിദ്ധ കുറ്റവാളി ലോറന്സ് ബിഷ്ണോയിയെ മോചിപ്പിക്കണമെന്ന് ആവശ്യപ്പെട്ടാണ് ഇന്ത്യയിലെ പൊലീസിന് ഭീഷണി സന്ദേശം. ഒപ്പം 500 കോടി രൂപ നല്കണമെന്നും സന്ദേശത്തിലുണ്ട്. അലംഭാവം കാട്ടിയാല് പ്രധാനമന്ത്രി നരേന്ദ്ര മോദിയെ വധിക്കുമെന്നും ഭീഷണിയുണ്ട്.
