തിരുവനന്തപുരം: അഖില ഭാരതീയ പൂര്‍വസൈനിക് സേവാ പരിഷത്ത് ജില്ലാ സമ്മേളനം വഞ്ചിയൂര്‍ സൈനിക് റസ്റ്റ് ഹൗസ് ഹാളില്‍ നടനും ബിജെപി നാഷണല്‍ കൗണ്‍സില്‍ അംഗവുമായ കൃഷ്ണകുമാര്‍ ഭദ്രദീപം കൊളുത്തി ഉദ്ഘാടനം ചെയ്തു. ജില്ലാ പ്രസിഡന്റ് അനില്‍ കുമാര്‍ ആര്‍.വി., സംസ്ഥാന ജനറല്‍ മുരളീധരന്‍ ഗോപാല്‍, സംസ്ഥാന സംഘടനാ സെക്രട്ടറി സേതുമാധവന്‍, ഹിന്ദുധര്‍മ്മ പരിഷത്ത് ചെയര്‍മാന്‍ എം. ഗോപാല്‍, സേവാഭാരതി സംസ്ഥാന വൈസ് പ്രസിഡന്റ് ഡി. വിജയന്‍, കേണല്‍ സുധാകരന്‍ നായര്‍, കേണല്‍ സജ്ജു കൃഷ്ണന്‍ എന്നിവര്‍ സംസാരിച്ചു.
ആത്മനിര്‍ഭര്‍ ഭാരത് എന്ന വിഷയത്തെ ആസ്പദമാക്കി വെങ്ങാനൂര്‍ ഗോപകുമാര്‍ സംസാരിച്ചു. 1971 ലെ യുദ്ധത്തില്‍ പങ്കെടുത്ത വീരസൈനികരെ പൊന്നാടയണിയിച്ചും ഫലകങ്ങള്‍ നല്‍കിയും ആദരിച്ചു. വിവിധ കായികമത്സരങ്ങളില്‍ മെഡലുകള്‍ കരസ്ഥമാക്കിയ കായികതാരങ്ങള്‍ക്കും വിവിധ പരീക്ഷകളില്‍ ഉന്നതവിജയം കരസ്ഥമാക്കിയ വിദ്യാര്‍ഥികള്‍ക്കും ഉപഹാരങ്ങള്‍ നല്‍കി. ജില്ലാ സെക്രട്ടറി രാജീവ് ഉണ്ണിത്താന്‍ സ്വാഗതവും ജില്ലാ വൈസ് പ്രസിഡന്റ് ആര്‍. ശ്രീകുമാര്‍ നന്ദിയും പറഞ്ഞു.
