തിരുവനന്തപുരം: 2023-24 സാമ്പത്തിക വര്ഷം തിരുവനന്തപുരം ജില്ലാ പഞ്ചായത്ത് മുഖേന നടപ്പിലാക്കുന്ന പ്രത്യാശ പദ്ധതിക്ക് കീഴില് പട്ടികവര്ഗ കിടപ്പുരോഗികളുടെ ചികിത്സയ്ക്കായി നഴ്സിംഗ് ബിരുദധാരികളായ പട്ടികവര്ഗ ഉദ്യോഗാര്ത്ഥികളെ തെരഞ്ഞെടുക്കുന്നതിനുള്ള വാക്ക് ഇന് ഇന്റര്വ്യൂ നെടുമങ്ങാട് ഐറ്റിഡിപി ഓഫീസില് ഒക്ടോബര് 12ന് രാവിലെ 11 മണിക്ക് നടത്തും.
താത്പര്യമുള്ളവര് അന്നേ ദിവസം രാവിലെ 10 മണിക്ക് ബന്ധപ്പെട്ട സര്ട്ടിഫിക്കറ്റുകളുടെ അസല് സഹിതം ഓഫീസില് ഹാജരാകേണ്ടതാണെന്ന് നെടുമങ്ങാട് ഐ.റ്റി.ഡി.പി പ്രോജക്ട് ഓഫീസര് അറിയിച്ചു. 2024 മാര്ച്ച് 31 വരെയാണ് നിയമനം. പ്രതിമാസം 20,000 രൂപ ഓണറേറിയം ലഭിക്കും.ആകെ 10 ഒഴിവുകളുണ്ട്. കൂടുതല് വിവരങ്ങള്ക്ക് ഫോണ്: 0472-2812557.
