ഒക്ടോബര് ഒന്നു മുതല് 10 വരെയുള്ള ജന്മഭൂമി മെഗാ കാമ്പയിന് ഭാരതീയ ജനതാ പാര്ട്ടിയുടെ നേതൃത്വത്തില് ഒരു വലിയ മുന്നേറ്റമായി മാറി കഴിഞ്ഞിരിക്കുകയാണ്. ഗ്രാമങ്ങളില് പോലും ജന്മഭൂമി എത്തണമെന്ന ആഗ്രഹം പ്രവര്ത്തകര്ക്കും പൊതു സമൂഹത്തിനും ഒരു പോലെ ഉണ്ടായി. ഇത്രയും കാലം മറ്റു പല മാധ്യമങ്ങളെയും വാര്ത്തകള്ക്കായി ആശ്രയിച്ചിരുന്ന ജനവിഭാഗത്തിന് ദേശീയ ബോധമുള്ള, രാജ്യത്തിന്റെ വികസനത്തിന് യുക്തമായ ഭാവാത്മകമായ വാര്ത്തകള് ലഭിക്കണമെങ്കില് അത് ജന്മഭൂമിയിലൂടെയേ സാധിക്കൂ എന്ന ബോധ്യം വന്നിരിക്കുന്നു.
ജന്മഭുമി മെഗാ കാമ്പയിന് ലഭിക്കുന്ന സ്വീകാര്യത ചിന്തിക്കുന്ന ജനവിഭാഗങ്ങളില് ബിജെപിക്കും മറ്റ് ദേശീയ പ്രസ്ഥാനങ്ങള്ക്കും അനുകൂലമായി ഉണ്ടാകുന്ന വലിയ മാറ്റത്തിന്റെ സൂചനയാണ്. കേരളം ഭരിക്കുന്ന രാഷ്ട്രീയ പാര്ട്ടിയും കേരളത്തിലെ കമ്മ്യൂണിസ്റ്റ്, ഇസ്ലാമിസ്റ്റ് താല്പര്യമുള്ള ബുദ്ധിജീവികളും പത്ര, ദൃശ്യ മാധ്യമങ്ങളും നടത്തുന്ന രാജ്യ ദ്രോഹപരമായിട്ടുള്ള പരാമര്ശങ്ങള്, ശത്രുരാജ്യത്തിന്റെ പണം വാങ്ങിയും ആനുകൂല്യങ്ങള് നേടിയും സ്വന്തം രാജ്യത്തെ ഒറ്റിക്കൊടുക്കാന് തയ്യാറാകുന്നവര്ക്കെതിരായുള്ള വികാരവും കേരളത്തില് വളരെ ശക്തമാണ്. ഈ സാഹചര്യത്തിലാണ് ജന്മഭൂമിയുടെ പ്രചാരണത്തിന് ഏറെ പ്രാധാന്യവും പ്രസക്തിയും ലഭിക്കുന്നത്.
അനുകൂല ഘടകങ്ങളെ പ്രയോജനപ്പെടുത്തി എല്ലാവരിലും ജന്മഭൂമി എത്തിക്കാന് വേണ്ടിയുള്ള അതിതീവ്രമായ പരിശ്രമമാണ് ഭാരതീയ ജനതാ പാര്ട്ടിയുടെ പ്രവര്ത്തകര് ഏറ്റെടുത്തിരിക്കുന്നത്.
