കൊല്ലം: നിയോവിറ്റ ഐവിഎഫ് ക്ലിനിക്കിന്റെ പ്രവര്‍ത്തനങ്ങളും ചികിത്സാമികവും പരിചയപ്പെടുത്തി ജന്മഭൂമിയില്‍ പ്രസിദ്ധീകരിച്ച ഫീച്ചര്‍ അന്താരാഷ്‌ട്ര തലത്തിലും ശ്രദ്ധ നേടുന്നു. ജന്മഭൂമിയില്‍ പ്രസിദ്ധീകരിച്ച ഫീച്ചര്‍ സൗദി അറേബ്യയിലെ പ്രശസ്തമായ കിങ് അബ്ദുല്‍ അസീസ് ഹോസ്പിറ്റലിലും ലണ്ടനിലെ കിങ്സ് കോളേജിലും വിതരണം ചെയ്തു.
കുട്ടികളില്ലാത്ത ദമ്പതികള്‍ക്ക് ആധുനികവും ശാസ്ത്രീയവുമായ ഫെര്‍ട്ടിലിറ്റി ചികിത്സ ലഭ്യമാക്കുകയെന്ന ലക്ഷ്യത്തോടെ കൊല്ലം ആസ്ഥാനമായി പ്രവര്‍ത്തിക്കുന്ന നിയോവിറ്റ ഐവിഎഫ് ക്ലിനിക്കിന്റെ പ്രവര്‍ത്തനങ്ങളാണ് ഫീച്ചറില്‍ വിശദീകരിച്ചത്. വിദഗ്ധചികിത്സ, ആധുനികസാങ്കേതികവിദ്യ, നൂതന എംബ്രിയോളജി സംവിധാനങ്ങള്‍ എന്നിവയിലൂടെ കുടുംബം പൂര്‍ത്തിയാക്കാന്‍ കാത്തിരിക്കുന്ന ദമ്പതികള്‍ക്ക് പ്രതീക്ഷ നല്‍കുന്ന സ്ഥാപനമെന്ന നിലയില്‍ നിയോവിറ്റയുടെ പ്രവര്‍ത്തനങ്ങളും ഫീച്ചറില്‍ അവതരിപ്പിച്ചിരുന്നു.
ജന്മഭൂമിയില്‍ പ്രസിദ്ധീകരിച്ച വിവരങ്ങള്‍ വിദേശത്തെ പ്രമുഖ ആരോഗ്യ സ്ഥാപനങ്ങളിലേക്കും എത്തിയത് നിയോവിറ്റയുടെ പ്രവര്‍ത്തനങ്ങള്‍ക്ക് ലഭിക്കുന്ന അംഗീകാരത്തിന്റെ ഭാഗമായാണ് വിലയിരുത്തുന്നത്. സൗദി അറേബ്യയിലെയും ബ്രിട്ടനിലെയും ആരോഗ്യരംഗത്തെ പ്രമുഖ സ്ഥാപനങ്ങളിലേക്ക് ഫീച്ചര്‍ എത്തിച്ചതിലൂടെ കൊല്ലത്തിന്റെ ആരോഗ്യരംഗത്തെ ഒരു സംരംഭത്തിന്റെ പ്രവര്‍ത്തനങ്ങള്‍ അന്താരാഷ്‌ട്ര ശ്രദ്ധയിലേക്കും എത്തി.
