കന്യാകുമാരിയിൽ ഒരു കുടുംബത്തിലെ മൂന്ന് പേർക്ക് ദാരുണാന്ത്യം. ആറ്റൂർ സ്വദേശി ചിത്ര, മക്കൾ ആതിര, അശ്വിൻ എന്നിവരാണ് മരിച്ചത്. വീട്ടിൽ വൈദ്യുതി നഷ്ടമായതിനെ തുടർന്ന് ഇരുമ്പ് തോട്ടി ഉപയോഗിച്ച് സർവീസ് വയറിൽ അശ്വിൻ തട്ടിയതോടെയായിരുന്നു അപകടം സംഭവിച്ചത്.
മഴയെ തുടർന്ന് വീട്ടിൽ കറണ്ട് പോയിരുന്നു. പിന്നാലെ ഇരുമ്പ് തോട്ടിയെടുത്ത് ലൈനിൽ തട്ടി ശരിയാക്കാൻ ശ്രമിക്കുകയായിരുന്നു. ഈ സമയം സഹോദരി ആതിരയും ഒപ്പമുണ്ടായിരുന്നു. അശ്വിൻ ഇരുമ്പ് തോട്ടി ഉപയോഗിച്ച് സർവീസ് വയറിൽ തട്ടിയതോടെ ഷോക്കടിക്കുകയായിരുന്നു.
പിന്നാലെ ഇത് കണ്ട് നിന്ന സഹോദരി അശ്വിനെ രക്ഷിക്കുന്നതിനായി ഇരുമ്പ് തോട്ടി തട്ടി മാറ്റാൻ ശ്രമിച്ചു. പിന്നാലെ അശ്വിനും ആതിരയും ഷോക്കേറ്റ് തറയിൽ വീണു. ഇത് കണ്ട് ഓടിവന്ന അമ്മ ചിത്ര ഇരുവരെയും രക്ഷിക്കാൻ നോക്കവെ ഷോക്കേൽക്കുകയായിരുന്നു.
