ദേശീയ ഗാനം കേട്ട് കണ്ണീരടക്കാനാവാതെ സായ് കിഷോര്‍; ഏഷ്യന്‍ ഗെയിംസില്‍ അരങ്ങേറിയ ഈ താരത്തിന്റെ രാജ്യസ്നേഹം ചര്‍ച്ചയാക്കി സമൂഹമാധ്യമങ്ങള്‍

ഹങ്ഷൂ (ചൈന): ഇന്ത്യയ്‌ക്ക് വേണ്ടി ഏഷ്യന്‍ ഗെയിംസില്‍ കന്നിമത്സരം കളിക്കാനെത്തിയ സായി കിഷോറിന് ദേശീയ ഗാനം കേട്ടപ്പോള്‍ കരച്ചിലടക്കാനായില്ല. ഭാരതത്തിന്റെ ദേശീയ ഗാനത്തോടൊപ്പം കണ്ണീര്‍വാര്‍ക്കുന്ന സായ് കിഷോറിന്റെ വീഡിയോ വൈറലാണ്.

Emotions aplenty as Sai Kishore swelled up during the national anthem of 🇮🇳, making his T20I debut today 🆚🇳🇵

Drop a 💙 if you believe hard work always pays off 🙌💯#Cheer4India #TeamIndia #Cricket #HangzhouAsianGames #AsianGames2023 #SonyLIV pic.twitter.com/x9fdZjIGg2

— Sony LIV (@SonyLIV) October 3, 2023

ഏഷ്യന്‍ ഗെയിംസ് ക്വാര്‍ട്ടര്‍ ഫൈനലില്‍ നേപ്പാളുമായുള്ള ഇന്ത്യയുടെ മത്സരത്തിലാണ് ഈ വികാരനിര്‍ഭരരംഗങ്ങള്‍ അരങ്ങേറിയത്. സായ് കിഷോര്‍ ഭാരതത്തിന്റെ ദേശീയ ഗാനത്തോടൊപ്പം കണ്ണീര്‍വാര്‍ക്കുന്ന വീഡിയോ സമൂഹമാധ്യമങ്ങളില്‍ ചര്‍ച്ചാവിഷയമാണ്. സായ് കിഷോറിന്റെ ദേശസ്നഹേത്തെ വാഴ്‌ത്തുകയാണ് എല്ലാവരും.

മത്സരത്തില്‍ നേപ്പാളിനെ തോല്‍പിച്ച് ഇന്ത്യ ഏഷ്യന്‍ ഗെയിംസ് സെമിയില്‍ കടന്നു. ആദ്യം ബാറ്റ് ചെയ്ത ഇന്ത്യയുടെ 203 റണ്‍സിനെ മറികടക്കാന്‍ നേപ്പാളിനായില്ല.