സ്‌ക്വാഷില്‍ വെങ്കലം തന്നെ

ഹാങ്‌ചൊ: സ്്ക്വാഷ് വനിതാ ടീം ഇനത്തില്‍ ഭാരത ടീം വെങ്കലം കൊണ്ട് തൃപ്തരായി. ജോഷ്‌ന ചിന്നപ്പ, ദീപിക പള്ളിക്കല്‍, അനാഹത് സിങ്, തന്‍വി ഖന്ന എന്നിവരടങ്ങിയ ടീം സെമിയില്‍ ഹോങ്കോങ്ങിനോട് 1-2ന് പരാജയപ്പെട്ടതോടെയാണ് ഭാരതത്തിന്റെ നേട്ടം വെങ്കലത്തിലൊതുങ്ങിയത്. ആദ്യ മത്സരത്തില്‍ തന്‍വി ഖന്ന 6-11, 7-11, 3-11 എന്ന് നേരിട്ടുള്ള ഗെയിമുകള്‍ക്ക് സിന്‍ യുക് ചാനിനോടും രണ്ടാം മത്സരത്തില്‍ അഞ്ച് ഗെയിം നീണ്ട ആവേശപ്പോരാട്ടത്തിനൊടുവില്‍ ജോഷ്‌ന ചിന്നപ്പ 7-11, 11-7, 9-11, 11-6, 11-8 എന്ന സ്‌കോറിന് സെ ലോക് ഹൊയോടും കൗമാരതാരം അനാഹത് സിങ് 8-11, 7-11, 10-12 എന്ന ക്രമത്തില്‍ നേരിട്ടുള്ള ഗെയിമുകള്‍ക്ക് കാ യി ലീയോടും പരാജയപ്പെടുകയായിരുന്നു. 2018ലെ ജക്കാര്‍ത്ത ഏഷ്യന്‍ ഗെയിംസില്‍ ഭാരതം ഈയിനത്തില്‍ വെള്ളി മെഡല്‍ നേടിയിരുന്നു.