ഹാരി പോട്ടര് ചിത്രങ്ങളില് ‘ആല്ബസ് ഡംബിള്ഡോര്’ എന്ന കഥാപാത്രത്തിലൂടെ ലോക ശ്രദ്ധനേടിയ പ്രശസ്ത ഐറിഷ് നടന് മൈക്കല് ഗാംബണ് അന്തരിച്ചു. 82ാം വയസ്സിലായിരുന്നു അന്ത്യം. നിമോണിയയെ തുടര്ന്നാണ് മരണമെന്നാണ് പ്രദാമിക റിപ്പോര്ട്ട്.
ജെ.കെ. റൗലിങ്ങിന്റെ നോവലിനെ അടിസ്ഥാനമാക്കി നിര്മ്മിക്കപ്പെട്ട എട്ടു ഹാരി പോട്ടര് ചിത്രങ്ങളില് ആറിലും ഹോഗ്വാര്ട്സ് ഹെഡ്മാസ്റ്റര് ആല്ബസ് ഡംബിള്ഡോര് എന്ന കഥപാത്രത്തെ അനഷ്വരമാക്കി നടനായിരുന്നു ഗാംബണ്. വളരെ ദുഖത്തോടെയാണ് മൈക്കല് ഗാംബന്റെ നഷ്ടം ഞങ്ങള് അറിയിക്കുന്നതെന്ന് ബന്ധുകള് അറിയിച്ചു.
മകന് ഫെര്ഗസിനുമൊപ്പമായിരുന്നു മൈക്കല് ഗാംബണും ഭാര്യ ആനിയും തമാസിച്ചിരുന്നത്. അസുഖങ്ങളെ തുടര്ന്നാണ് അദേഹത്തെ ആശുപത്രിയിലേക്ക് മാറ്റിയതെന്നാണ് റിപ്പോര്ട്ട്. അഞ്ച് പതിറ്റാണ്ടിലേറെ നീണ്ടുനിന്ന അഭിനയ ജീവിതത്തിനു ശേഷമാണ് അദേഹം അരങ്ങ് വിടുന്നത്. ആഴത്തിലുള്ള ശബ്ദവും മികച്ച സംഭാഷണ രീതിയുമായിരുന്നു അദേഹത്തിന്റെ പ്രത്യേകത. 2002ല് റിച്ചാര്ഡ് ഹാരിസിന്റെ മരണത്തെ തുടര്ന്നാണ് അദ്ദേഹം ഡംബിള്ഡോറായി തിരഞ്ഞെടുക്കപ്പെട്ടത്.
